Read KO E TOH TAPU KATOA TONGA KO ‘ĒSELA 2 Bible Online

KO ‘ĒSELA 2 - KO E TOH TAPU KATOA TONGA bible

KO ‘ĒSELA 2

¹KO eni ‘a e hako ‘o e vahefonua na‘e ‘alu hake mei he nofo pōpula ‘a e kakai na‘e ‘ave, ‘a ia na‘e ‘ave ki Pāpilone ‘e Nepukanesa ko e Tu‘i Pāpilone; pea na‘a nau foki ki Selusalema mo Siuta, takitaha ki hono kolo;

²‘io, ‘a e kakai na‘e ha‘u mo Seluipepeli, Sisua, Nehemaia, Selaia, Le‘elaia, Motekiai, Pilisani, Misipele, Pikivai, Lēhumi, mo Pā‘ana.

³Ko e lau eni ‘o e tu‘unga tangata ‘i he kakai ‘Isileli: ko ha‘a Pālosi na‘e toko ua afe teau mā fitungofulu mā ua.

⁴Ko ha‘a Sefataia na‘e toko tolungeau mā fitungofulu mā ua.

⁵Ko ha‘a ‘Āla‘a na‘e toko fitungeau mā fitungofulu mā nima.

⁶Ko ha‘a Pāhati-Moape ‘i he fānau ‘a Sisua mo Sioape na‘e toko ua afe valungeau mā hongofulu mā ua.

⁷Ko ha‘a ‘Īlami na‘e toko taha afe uangeau mā nimangofulu mā fā.

⁸Ko ha‘a Satu na‘e toko hivangeau mā fāngofulu mā nima.

⁹Ko ha‘a Sākai na‘e toko fitungeau mā onongofulu.

¹⁰Ko ha‘a Pani na‘e toko onongeau mā fāngofulu mā ua.

¹¹Ko ha‘a Pēpai na‘e toko onongeau mā uofulu mā tolu.

¹²Ko ha‘a ‘Asakati na‘e toko taha afe uangeau mā uofulu mā ua.

¹³Ko ha‘a ‘Atonaikamu na‘e toko onongeau mā onongofulu mā ono.

¹⁴Ko ha‘a Pikivai na‘e toko ua afe mā nimangofulu mā ono.

¹⁵Ko ha‘a ‘Ātini na‘e toko fāngeau mā nimangofulu mā fā.

¹⁶Ko ha‘a ‘Āteli ‘o Hesekaia na‘e toko hivangofulu mā valu.

¹⁷Ko ha‘a Pesai na‘e toko tolungeau mā uofulu mā tolu.

¹⁸Ko ha‘a ‘Iola na‘e toko teau mā hongofulu mā ua.

¹⁹Ko ha‘a Hāsumi na‘e uangeau mā uofulu mā tolu.

²⁰Ko ha‘a Kipa na‘e hivangofulu mā nima.

²¹Ko ha‘a Pētelihema na‘e teau mā uofulu mā tolu.

²²Ko e tu‘unga tangata Nētofa na‘e toko nimangofulu mā ono.

²³Ko e tu‘unga tangata ‘Anatoti na‘e teau mā uofulu mā valu.

²⁴Ko ha‘a ‘Asimaueta na‘e toko fāngofulu mā ua.

²⁵Ko ha‘a Kiliatialimi, Kēlila, mo Piheloti, na‘e fitungeau mā fāngofulu mā tolu.

²⁶Ko ha‘a Lama mo Kepa na‘e onongeau mā uofulu mā taha.

²⁷Ko e tu‘unga tangata Mikimasi na‘e teau mā uofulu mā ua.

²⁸Ko e tu‘unga tangata Pēteli mo ‘Ai na‘e uangeau mā uofulu mā tolu.

²⁹Ko ha‘a Nipo na‘e toko nimangofulu mā ua.

³⁰Ko ha‘a Makapisi na‘e toko teau mā nimangofulu mā ono.

³¹Ko e ha‘a ‘Īlami ‘e taha na‘e toko taha afe uangeau mā nimangofulu mā fā.

³²Ko ha‘a Hālimi na‘e toko tolungeau mā uofulu.

³³Ko ha‘a Loti, Hātiti, mo ‘Ono, na‘e toko fitungeau mā uofulu mā nima.

³⁴Ko ha‘a Sielikō na‘e toko tolungeau mā fāngofulu mā nima.

³⁵Ko ha‘a Sēna‘a na‘e toko tolu afe onongeau mā tolungofulu.

³⁶Ko e kau taula‘eiki ‘eni: ko ha‘a ‘Ītaia ‘i he fāmili ‘o Sisua na‘e toko hivangeau mā fitungofulu mā tolu.

³⁷Ko ha‘a ‘Īmeli na‘e toko taha afe nimangofulu mā ua.

³⁸Ko ha‘a Pāsua na‘e toko taha afe uangeau mā fāngofulu mā fitu.

³⁹Ko ha‘a Hālimi na‘e toko taha afe hongofulu mā fitu.

⁴⁰Ko e kau Līvai eni: ko ha‘a Sisua mo Katemieli ‘i he fāmili ‘o Hotavaia na‘e toko fitungofulu mā fā.

⁴¹Ko e kau hiva eni: ko ha‘a ‘Ēsafe na‘e toko teau mā uofulu mā valu.

⁴²Ko e kau le‘o matapā eni: ko ha‘a Sālumi, ko ha‘a ‘Āteli, ko ha‘a Talemoni, ko ha‘a ‘Ākupi, ko ha‘a Hātita, ko ha‘a Sōpai: kātokatoa ko e toko teau mā tolungofulu mā hiva.

⁴³Ko e kau Netinimi ‘eni: ko ha‘a Siha, ko ha‘a Hāsufa, ko ha‘a Tapaoti;

⁴⁴ko ha‘a Kēlosi, ko ha‘a Siaha, ko ha‘a Pātoni;

⁴⁵ko ha‘a Lēpana, ko ha‘a Hākapa, ko ha‘a ‘Ākupi;

⁴⁶ko ha‘a Hākapi, ko ha‘a Samelai, ko ha‘a Hānani;

⁴⁷ko ha‘a Kīteli, ko ha‘a Kāhali, ko ha‘a Laia;

⁴⁸ko ha‘a Lēsini, ko ha‘a Nēkota, ko ha‘a Kāsami;

⁴⁹ko ha‘a ‘Usa, ko ha‘a Pāsea, ko ha‘a Pesai;

⁵⁰ko ha‘a ‘Āsena, ko ha‘a Meuni, ko ha‘a Nēfisi;

⁵¹ko ha‘a Pakapuka, ko ha‘a Hākufa, ko ha‘a Halahua;

⁵²ko ha‘a Pasiluti, ko ha‘a Mēhita, ko ha‘a Hālesa;

⁵³ko ha‘a Palekosa, ko ha‘a Siselā, ko ha‘a Tama;

⁵⁴ko ha‘a Nesia, ko ha‘a Hātifa.

⁵⁵Ko e hako eni ‘o e Ka u Tamaio‘eiki ‘a Solomone: ko ha‘a Sotai, ko ha‘a Hasofeleti, ko ha‘a Pēluta;

⁵⁶ko ha‘a Siala, ko ha‘a Talekoni, ko ha‘a Kīteli;

⁵⁷ko ha‘a Sefataia, ko ha‘a Hātili, ko ha‘a Pokeleti-hāsipa, ko ha‘a ‘Ami.

⁵⁸Ko e lao fakataha ‘o e kau Netinimi mo e hako ‘o e Kau Tamaio‘eiki ‘a Solomone ko e toko tolungeau mā hivangofulu mā ua.

⁵⁹Pea ko eni ia ‘a kinautolu na‘e ‘alu hake mei Tela-mela, Tela-hālesa, Kēlupi, ‘Ātani, mo ‘Īmeli; ka na‘e ‘ikai te nau lava ke fakamahino honau ‘ulumotu‘a, mo e anga ‘o honau hako, pe ‘oku nau hako ‘Isileli pe ‘ikai:

⁶⁰ko ha‘a Telaia, ko ha‘a Topaia, ko ha‘a Nēkota; ko e toko onongeau mā nimangofulu mā ua.

⁶¹Pea ‘i ha‘a taula‘eiki: ko ha‘a Hōpaia, ko ha‘a Hōkosi, ko e hako ‘a Pasiliai, (ko e toko taha na‘e mali mo ha ‘ōfefine ‘o Pasiliai, ‘a e matāpule Kiliati, pea na‘e hingoa kiate ia).

⁶²Ko kinautolu ia na‘e kumi honau hingoa ‘i he tohi hohoko, ka na‘e ‘ikai ‘ilo: ko ia na‘e lau ‘oku mele ‘enau taula‘eiki.

⁶³Pea na‘e folofola ‘a e Kōvana ki ai, ‘e ‘ikai te nau kai ‘i he ngaahi me‘a toputapu, kae‘oua ke hoko mai ha taula‘eiki ‘oku faka-‘Ūlimi-mo-Tūmemi.[3]

⁶⁴Ko e lau kātokatoa ‘o e fakataha ko e toko fā mano ua afe tolungeau mā onongofulu:

⁶⁵tuku kehe ‘enau kau tamaio‘eiki, mo ‘enau kau kaunanga; na‘e toko fitu afe tolungeau mā tolungofulu mā fitu kinautolu: pea na‘a nau ma‘u ha kau tangata hiva mo ha kau fefine hiva ‘e toko uangeau,

⁶⁶ko ‘enau fanga hoosi na‘e toko fitungeau mā tolungofulu mā ono, ko ‘enau fanga miuli na‘e toko uangeau mā fāngofulu mā nima,

⁶⁷ko ‘enau fanga kāmeli na‘e toko fāngeau mā tolungofulu mā nima; ko e fanga ‘asi na‘e toko ono afe fitungeau mā uofulu.

⁶⁸Pea ‘i he‘enau a‘u ki he fale ‘o Sihova, ‘a ia ‘oku ‘i Selusalema, pea ko e ni‘ihi ‘i he hou‘eiki ‘ulumotu‘a na‘a nau ‘atu me‘a‘ofa ki he fale ‘o ‘Elohimi, ke fokotu‘u ia ‘i hono tu‘unga;

⁶⁹‘io, na‘a nau foaki ‘o taau mo ‘enau mafai, ‘o nau tuku ki he fale koloa ‘o e Ngāue ‘a e talaiki koula ‘e ono mano mā taha afe, mo e mina siliva ‘e nima afe, mo e teau‘i kofu fakataula‘eiki.

⁷⁰Ko ia, ko e kau taula‘eiki, mo e kau Līvai, mo e ni‘ihi ‘i he kakai, mo e[4] kau hiva, mo e kau le‘o matapā, mo e kau Netinimi, na‘a nau nofo ‘i honau ngaahi kolo; pea nofo mo ‘Isileli kātoa ‘i honau ngaahi kolo.