Read KO E TOH TAPU KATOA TONGA KO NEHEMAIA 10 Bible Online

KO NEHEMAIA 10 - KO E TOH TAPU KATOA TONGA bible

KO NEHEMAIA 10

¹PEA ko eni ia ‘a kinautolu na‘e ‘ai honau nima: ko Nehemaia foha ‘o Hakalaia na‘e kōvana, pea mo Setekaia;

²ko Selaia, ‘Asalaia, Selemaia,

³Pāsua, ‘Amilaia, Malakai,

⁴Hātusi, Sepanaia, Māluki,

⁵Hālimi, Melemoti, ‘Opataia,

⁶Tāniela, Kinetoni, Paluki,

⁷Mēsuilame, ‘Apaia, Misiamini,

⁸Masaia, Pilikai, Sēmaia; ko ha‘a taula‘eiki ia.

⁹Pea ko ha‘a Līvai eni: ‘io, ‘a Sisua foha ‘o ‘Asanaia, ko Pinui ko e ha‘a Henatati, ko Katemieli.

¹⁰Ko honau kāinga foki, ‘a Sepanaia, Hōtaia, Kēlita, Pelaia, Hānani,

¹¹Maika, Lēhopi, Hasapaia,

¹²Sākuli, Selepaia, Sepanaia,

¹³Hōtaia, Pani, Pēninu.

¹⁴Ko e hou‘eiki ‘o e kakai eni; ko Pālosi, Pāhati-Moape, ‘Īlami, Satu, Pani,

¹⁵Puni, ‘Asakati, Pēpai,

¹⁶‘Atunaisa, Pikivai, ‘Ātini,

¹⁷‘Āteli, Hesekaia, ‘Āsuli,

¹⁸Hōtaia, Hāsumi, Pesai,

¹⁹Hālifi, ‘Anatoti, Nēpai,

²⁰Makapiasi, Mēsuilame, Hēsili,

²¹Mesesapeli, Sātoki, ‘Iatua,

²²Pelataia, Hānani, ‘Anaia,

²³Hosea, ‘Ananaia, Hāsupi,

²⁴Halohesi, Pīleha, Sōpeka,

²⁵Lēhumi, Hasapena, Ma‘aseia,

²⁶pea mo ‘Āhaia, Hānani, ‘Ānani,

²⁷Māluki, Hālimi, Pā‘ana.

²⁸Pea ko hono toe ‘o e kakai, ‘a e kau taula‘eiki, ‘a e kau Līvai, ‘a e kau le‘o matapā, ‘a e kau hiva, ‘a e kau Netinimi, mo ia fua pē kuo fakamavahe mei he ngaahi kakai ‘o e ngaahi fonua ke nofo ki he Lao ‘a ‘Elohimi, ‘a honau ngaahi uaifi, mo ‘enau fānau tangata mo fānau fefine, ‘a kinautolu kotoa pē na‘e lava ke fai ‘ilo;

²⁹na‘a nau fā‘ūtaha mo honau kāinga ‘a e hou‘eiki, ‘o nau fai ha tuki faka‘aungafa, mo ha fuakava, ke fou ‘i he Lao ‘a ‘Elohimi; ‘a ia na‘e tuku mai, ‘o fakafai ‘ia Mōsese ko e Sevāniti ‘a ‘Elohimi; ‘io, ke tauhi mo fai ‘a e ngaahi tu‘utu‘uni kotoa pē ‘a Sihova ko homau ‘Eiki, mo ‘ene konisitūtone, mo ‘ene ngaahi fekau.

³⁰Mo eni foki, ke ‘oua te mau ‘ange ‘emau fānau fefine ki he ngaahi kakai ‘o e fonua, ‘o ‘oua ‘e ‘omi ‘enau fānau fefine ke nonofo mo ‘emau fānau tangata.

³¹Pea kapau ‘e ‘omi ‘i he ‘aho Sāpate ‘e he ngaahi kakai ‘o e fonua ‘a e me‘a fakatau, mo e me‘akai, ‘e ‘ikai te mau fakatau meiate kinautolu ‘i he ‘aho Sāpate, pe ‘i ha ‘aho tapu: pea te mau fai ‘a e fakahilita‘u fitu, ‘a e tuku ‘o e kelekele ke fo‘ou, mo e tuku tautau ai ‘a e mo‘ua kotoa.

³²Pea na‘a mau fokotu‘u tu‘utu‘uni kiate kimautolu ke ‘ange ‘a e vahetolu ‘o e sikeli ‘i he ta‘u kotoa pē ma‘a e ngāue ‘a e fale ‘o homau ‘Otua —

³³ki he mā fono pea ki he feilaulau-me‘akai tu‘u ma‘u pea ki he feilaulau-mōifua tu‘u ma‘u na‘e fai ‘i he ngaahi Sāpate mo e ngaahi māhina fo‘ou; ki he ngaahi ‘aho tu‘utu‘uni, pea ki he ngaahi me‘a ‘oku fakatāpui, pea ki he ngaahi feilaulau-angahala ke fai ‘a e fakalelei ma‘a ‘Isileli; ‘io, ki he fatongia kotoa ‘o e fale ‘o homau ‘Otua.

³⁴Pea na‘a mau pāloti ki he okooko — ‘a e kau taula‘eiki, ‘a e kau Līvai, pea mo e kakai — ki he ‘omi ‘o e kōpano fefie ki he fale ‘o homau ‘Otua, ki he ‘ulumotu‘a mo e taimi tu‘utu‘uni ‘i he ta‘u mo e ta‘u, ke tutu ‘i he funga ‘ōlita ‘o Sihova ko homau ‘Otua, ‘o hangē ko ia kuo tohi ‘i he Lao.

³⁵Pea ke ‘omi ‘a e polopolo ‘o e ma‘ala, mo e polopolo ‘o e ‘akau fua kehekehe, ki he fale ‘o Sihova ‘i he ta‘u mo e ta‘u.

³⁶Pea mo e ‘olopo‘ou ‘o ‘emau fānau, mo ‘emau monumanu, ‘o hangē ko ia kuo tohi ‘i he Lao; ‘io, ‘a e ‘olopo‘ou ‘o ‘emau fanga pulu, mo e fanga sipi mo kosi, ke ‘omi ki he fale ‘o homau ‘Otua, ki he kau taula‘eiki ‘oku fai ‘a e fakafe‘ao ‘i he fale ‘o homau ‘Otua.

³⁷Ko e polopolo foki ‘o ‘emau takaonga mā, mo ‘emau ngaahi me‘a hapai, mo e fua ‘o e ngaahi ‘akau kehekehe, ‘a e vaine mo e lolo — te mau ‘omi ia ki he kau taula‘eiki, ki he ngaahi loki ‘o e fale ‘o homau ‘Otua. Pea ko e vahehongofulu ‘o ‘emau ngoue te mau ‘omi ki he kau Līvai; he ko e fa‘ahinga ko ia, ‘a e kau Līvai, ‘oku nau tali ‘a e tukuhau-hongofulu ‘i he ngaahi kolo kotoa pē ‘oku fai ai ‘emau ngoue.

³⁸Pea ‘e tu‘u mo e kau Līvai ‘i he‘enau tali ‘a e tukuhau-hongofulu ‘a e taula‘eiki, ko ha ha‘a ‘Ēlone, koe‘uhi ke ‘ohake ‘e he kau Līvai ‘a e vahehongofulu ‘o e vahehongofulu ki he fale ‘o homau ‘Otua, ki he ngaahi loki, ki he fale koloa.

³⁹He ko ha‘a ‘Isileli mo ha‘a Līvai te nau fetuku ‘a e uite, mo e uaine, mo e lolo kuo hapai ki he ngaahi loki, ‘a e potu ‘oku ‘i ai ‘a e nāunau ‘o e fale tapu, mo e kau taula‘eiki ‘oku fai ‘a e fakafe‘ao, mo e kau le‘o matapā, mo e kau hiva. Pea ‘e ‘ikai te mau tuku li‘aki ‘a e fale ‘o homau ‘Otua.