Read KO E TOH TAPU KATOA TONGA KO SIOPE 26 Bible Online

KO SIOPE 26 - KO E TOH TAPU KATOA TONGA bible

KO SIOPE 26

¹PEA tali ‘a Siope, ‘o ne pehē,

²Mālō ho‘o tokoni ki he masiva ivi! Ho‘o poupou ki he nima ta‘ehano ngū!

³Mālō ho‘o fale‘i ‘a e masiva poto, Mo ho‘o fukefuke ‘a e poto mo‘onia!

⁴Ko ho‘o fai ‘a e fu‘u malanga na kia hai? Pea ko e mānava ‘a hai ne ‘alu atu ‘ia koe?

⁵[55]Ko e kau ‘ata na ‘oku tete ‘I he lalo ‘ōseni mo e nofo ai.

⁶‘Oku utua telefua ‘a Hētesi ki He‘ene ‘Afio, Pea ‘oku ‘ikai hano puipui ki ‘Apatoni.

⁷‘Oku ne folahi ‘a e Tokelau ki he funga Vavā, ‘Oku ne tautau ‘a māmani ki he ‘ikai.

⁸‘Oku ne lokuloku ‘a e vai ‘i he‘ene ngaahi loa na; Pea ‘oku ‘ikai mahae ‘a e ngaahi ‘ao ‘i hono mamafa.

⁹‘Oku ne puipui ‘a e mata ‘o hono taloni, ‘Ene fofola ai ‘ene ‘ao na.

¹⁰‘Oku ne tohi ha seakale ki he funga vai, ‘O a‘u ki he ngata‘anga ‘o e maama mo e po‘uli.

¹¹‘Oku tete ‘a e ngaahi pou ‘o langi, ‘O nau tumu ‘i he valoki ‘a ‘Ene ‘Afio.

¹²‘Oku ne ue‘i ‘a e tahi ‘aki hono māfimafi,[56] ‘Oku ne laiki ‘a Lēhapi[57] ‘aki ‘ene poto.

¹³Ko e fai‘aki ‘ene mānava ‘oku ma‘a ai ‘a e langi: Pea ‘oku veloi ‘e hono nima ‘a e Talākoni fakalava.[58]

¹⁴Vakai, ko e ngaahi me‘a ko ia ko e hikuhiku pē ‘o hono ngaahi ‘alunga Pea hono ko e ngananganaiki pē ‘o ha me‘a ‘oku tau fanongoa! Ka ko e fatulisi ‘o hono fu‘u ivi ko hai te ne lave‘i?