Read KO E TOH TAPU KATOA TONGA KO SIOPE 36 Bible Online

KO SIOPE 36 - KO E TOH TAPU KATOA TONGA bible

KO SIOPE 36

¹PEA toe fai ‘e ‘Ilaiū, ‘o ne pehē,

²Kātaki si‘i, ka u fakamatala atu; He ‘oku kei toe ‘a e ngaahi lea ke fai ma‘a ‘Elohā.

³Te u ‘omi ‘eku ‘ilo mei he mama‘o, Pea te u tuku kiate Ia na‘e ngaohi au ‘a hono totonu.

⁴Ko au ‘ē ‘oku ‘ikai loi ‘eku lea: Ko ia ‘oku fai mo koe ‘oku tafesino‘ivai ‘ene ‘ilo.

⁵Vakai, ko ‘Ela ko e māfimafi, Ka ‘oku ‘ikai te ne fakasīkaka‘i, ‘Oku ne māfimafi ko e mālohi hono loto.

⁶‘Oku ‘ikai te ne ta‘ofi ki he mo‘ui ‘a e kau angahala: Pea ‘oku ne ‘ange ki he tu‘utāmaki ‘a e totonu fakalao.

⁷‘Oku ‘ikai te ne to‘o hono fofonga mei he vakai‘i ‘o e mā‘oni‘oni: Ka ‘oku nau nofo mo e ngaahi tu‘i ‘i he taloni; ‘Io, ‘oku ne fokotu‘u kinautolu ‘o ta‘engata, Pea ‘oku nau hākeaki‘i.

⁸Pea kapau ‘e ha‘i seini kinautolu, Pea tou‘ia ‘i he kafa ‘a e tu‘utāmaki;

⁹‘Oku ne toki fakahā kiate kinautolu ‘enau fai anga, Mo ‘enau ngaahi angahala, tokua kuo nau futa ‘aki.

¹⁰Pea ne tatala honau telinga ki he akonaki, ‘O ne tala ke nau foki mei he kovi.

¹¹Kapau ‘oku nau ongo‘i, ‘o tauhi kiate ia, Te nau faka‘osi honau taimi ‘i he lelei, Mo honau ta‘u ‘i he ngaahi mālie.

¹²Ka ‘o kapau ‘oku ‘ikai te nau ongo‘i, Te nau mole ‘i he velo,[75] ‘O nau hokotaki ko e ‘ikai ha‘anau poto.

¹³Ka ko e angahala ‘i loto ‘oku nau tauhi ‘a e ‘ita: ‘Oku ‘ikai te nau tangi ‘i he‘ene ha‘i kinautolu.

¹⁴‘Oku mate honau laumālie kei talavou, Mo ‘enau mo‘ui hangē ha kau fakasōtoma.

¹⁵‘Oku ne ngāue‘aki ‘a e tu‘utāmaki ‘o e tu‘utāmaki ke nau mālohi ai, Pea ‘oku ne tatala honau telinga ‘aki ‘a e mamahi.

¹⁶Tala atu, te ne fie taupoa‘i mo koe foki, mei he ngutu ‘o e faingata‘a, Ki he ‘ata‘atā, ki he potu ‘oku ‘ikai hano ‘efihia; Pea ko e teu ho tēpile ko e koto me‘a ngako.

¹⁷Ka ‘oku ne fonu ‘i he talatalaaki ‘oku fai ‘e he kakai kovi: ‘Oku molomolomuiva‘e ‘a e fakamaau ki he talatalaaki.

¹⁸He ‘oku ai ‘a e ‘ita: Vakai na‘a taupoa‘i ai koe ki he ta‘efai ha toka‘i; Pea ‘oua na‘a hē, ko ho‘o sio ki he lahi ‘o e fakamolemole‘anga.

¹⁹‘E lava koā ‘e ho‘o tangi[76] ke fokotu‘u koe ki he ta‘eha mamahi? Mo e ngaahi fu‘u feinga hoha‘a ‘o ho sino?

²⁰‘Oua te ke fakavave‘i ‘a e pō ko ē, ‘A ia ‘e hiki ai ‘ani kakai mei he potu ‘oku nau ‘i ai.

²¹Tokanga: ‘oua te ke hinga ki he kovi: He kuo ke fili mu‘a ki he me‘a ko ena ‘i he kātaki mamahi.

²²Tala atu, ko ‘Ela ‘oku hākeaki‘i he fai‘aki hono ivi: Ko hai ha faiako hangē ko ia?

²³Ko hai kuo ne tu‘utu‘uni ki He‘ene ‘Afio ha hala ke ne fou ai? Pea ko hai ‘e lava ke pehē kiate ia, Kuo ke faihala!

²⁴Manatu ke fakahīkihiki‘i ‘ene ngāue; He ko e me‘a ia ‘oku hiva‘aki ‘e he kakai.

²⁵‘Oku fie fakasio ki ai ‘e he tangata fua pē; Neongo ko e me‘a vaivai, ka ‘oku ne hanga ki ai mei he mama‘o.[77]

²⁶Vakai, ko ‘Ela ‘oku hopo hake, ‘Oku ‘ikai te tau ma‘ilo ia: Ko e lau ‘o hono ngaahi ta‘u ko e me‘a ta‘emahakulea.

²⁷‘Oku ne misi hake ‘a e ngaahi tulutā vai, ‘Oku nau kakava mai ko e ‘uha, ‘O hoko ko hono fu‘u mao:

²⁸‘A ia ‘oku fakatoo‘i ‘e he ngaahi ‘ao; ‘Oku nau fakatafe ki ha fu‘ufu‘unga kakai.

²⁹‘Ā, hono mahino ki ha taha ‘a e folahi ‘a e ‘ao? ‘A e felasilasi hono Tāpanekale?

³⁰Vakai ‘ene folahi ki ai ‘ene maama, Mo ‘ene ‘ufi‘ufi ‘aki ‘a e huli‘i tahi na![78]

³¹Seuke, ko e ngaahi me‘a ko ia ‘oku ne tautea[79] ‘aki ‘ani kakai; ‘Oku ne foaki me‘akai ai ke lahi.

³²‘Oku ne takai ‘a e maama fakanimaua ‘O ne faka‘atā atu hangē ha taha ‘oku fana ke tou‘ia.

³³‘Oku tala ‘e hono longoa‘a ‘a e me‘a ni ‘Oku ai ha houhau kakaha ki he kovi.[80]