Read KO E TOH TAPU KATOA TONGA KO SIOPE 37 Bible Online

KO SIOPE 37 - KO E TOH TAPU KATOA TONGA bible

KO SIOPE 37

¹‘Ā ‘OKU tatū hoku mafu he me‘a, ko ē, ‘O ne teka mei hono potu.

²Mou fanongoa ki he longolongo ‘ita hono le‘o, Pea mo e muhu ‘oku ‘alu atu mei hono fofonga.

³‘Oku ne tuku atu ki he lalo langi kātoa, Mo ‘ene ulo ki he ngaahi tapatapa ‘o e fonua.

⁴‘Oku toupili ‘i mui ‘a e ‘u‘ulu ‘o e mana; ‘Oku ne felasilasi ‘aki ‘a e le‘o ‘o ‘ene fotu: Pea ‘oku ‘ikai te ne ta‘ofi ‘enau tapa hili ‘a e ongo mai ‘a e mana.

⁵‘Oku felasilasi ‘a ‘Ela: ‘oku fakaofo hono fu‘u le‘o; ‘Oku ne fai me‘a lalahi ‘oku ‘ikai te tau ma‘ilo.

⁶He ‘oku ne folofola ki he sinou, Tō ki he fonua; Pehē ki he tu‘u mo tō, Pehē ki he fu‘u lōvai — ko ‘ene tōtōivi ia.

⁷‘Oku ne sila‘i ai ‘a e nima ‘o e tangata fua pē; Ke ‘ilo kotoa pē ‘e he tangata me‘a vaivai ‘a e ngāue ‘a ‘Ene ‘Afio.[81]

⁸Pau ai ke hū ‘a e fanga manu ki honau toitoi‘anga, Pea ke ne tatali ‘i hono nofo‘anga.

⁹‘Oku ha‘u ‘a e ‘ahiohio mei he Loki: Mo e momoko mei he ngaahi pupunga ‘o e Noate,[82]

¹⁰Mei he hō ‘a ‘Ela ‘oku tuku mai ‘a e ‘aisi; Pea ‘oku fefeka ‘a e vai laulahi.

¹¹‘Oku ne fa‘olaki ki he ‘ao ha tokonaki vai; ‘Oku ne folahi atu ‘ene ‘ao maama,

¹²Pea ko e me‘a ko ia ‘oku takamilo holo ko ‘ene faka‘uli, Ke nau fai ‘a e me‘a kotoa kuo ne tu‘utu‘uni kiate kinautolu ‘I he funga ‘o maama nofo‘anga.

¹³Pe ko ha tā, pe koe‘uhi ko si‘ono fonua, Pea ko ‘ene ‘ofa — ka ‘oku ne faka‘au ai pē ia.

¹⁴Fanongo ki he me‘a ko eni, Siope; Tu‘u, ‘o fakalaulauloto ki he ngaahi ngāue fakaofo ‘a ‘Ela.

¹⁵‘Oku ke ‘ilo koā ‘oka fai tu‘utu‘uni ‘a ‘Ela ki he ngaahi ‘ao ‘a‘ana Ke tapa mai ‘ene maama?

¹⁶‘Oku ke ‘ilo ki he tautau ‘a e ngaahi ‘ao matolu ke tō lotomālie? ‘A e fu‘u ngāue fakaofo ‘a‘ana ‘oku haohaoa ‘i he ngaahi fa‘ahinga poto.

¹⁷‘A koe ‘oku māfana ho kofu, ‘Oka tofu ‘a e fonua he‘ene tuku ke angi ‘a e matangi tonga,

¹⁸Te ke lava ke kau mo ia ‘i he haha ‘o e langi ke manifi, Kae mālohi hangē ha sio‘ata ukamea?

¹⁹Fakahinohino mai pe ko e hā ha fakatau folofola te mau fai ki He‘ene ‘Afio? ‘Oku ‘ikai te mau lava ke fa‘u ha lea koe‘uhi ko e po‘uli.

²⁰‘E fai koā kiate ia ha fu‘u fakamatala? “Tokua ‘oku ou fie lea” — ‘E faka‘amu koā ha tangata ke fōngia ia?

²¹Pea ko eni ‘oku ‘ikai ke lava ke sio ki he la‘ā: Ka ‘oku ngingila pē ‘i he femamēnite; Pea ka laka ange ha matangi te ne tafi ia.

²²‘I he angi ‘a e tokelau, te ne hoko mai ko e koto koula: ‘Oku ‘ia ‘Ela ha lāngilangi fakailifia.

²³Ko Sātai ‘oku ta‘emahakulea; Ko e fungani ‘i he ivi mo e fai fakakonisitūtone. Pea ‘i he lahi ‘o ‘ene faitotonu ‘oku ‘ikai te ne fai fakamālohi.

²⁴Ko ia ‘oku ‘apasia kiate ia ‘a tangata me‘a vaivai: ‘Oku ‘ikai te ne toka‘i ‘a e ‘atamai poto fua pē.