Read KO E TOH TAPU KATOA TONGA KO E SAAME 1 Bible Online

KO E SAAME 1 - KO E TOH TAPU KATOA TONGA bible

KO E SAAME 1

¹Ko e Fiefia ‘oku Mo‘oní MONŪ‘IA Ā, ka ko e tangata ko ē Kuo ‘ikai fou ‘i he fakakaukau ‘a e faka‘otuamate, Pe tu‘u ‘i he hala ‘o e kau faikovi, Pe nofo ‘i he nofo‘anga ‘o ha‘a manuki:

²Ka ko e Lao ‘a Sihova ‘a ‘ene manako, ‘Io, ‘i he lao ‘o‘ona ‘oku ne fakalaulauloto ‘aho mo e pō.

³Te ne hangē ia ha ‘akau kuo tō ki he ngaahi manga‘i vai, ‘A ia ‘oku ne fua ‘i hono to‘ukai, Ko hono lau foki ‘oku ‘ikai mae; Pea neongo pe ko e hā ‘oku ne fai ‘oku ne monū‘ia pē.

⁴‘Oku ‘ikai ke pehē ‘a e faka‘otuamate, ‘oku ‘ikai; Ka ‘oku nau hangē ko e kafukafu ‘oku vilingia ‘i he matangi.

⁵Ko hono ō ia ‘e ‘ikai tu‘u ‘a e faka‘otuamate ‘i he fakamaau, Pe ko e kau faikovi ‘i he fakataha ‘o e faitotonu:

⁶He ‘oku tokanga‘i ‘e Sihova ‘a e hala ‘o si‘i faitotonu na, Ka ko e hala ‘o e kau faikovi ‘e ‘auha.