Read KO E TOH TAPU KATOA TONGA KO E SAAME 108 Bible Online

KO E SAAME 108 - KO E TOH TAPU KATOA TONGA bible

KO E SAAME 108

¹(Ko e Ta‘anga: ko e Saame ‘a Tēvita.) (Saame 57.7-11; 60.5-12) KUO pau hoku loto, ‘e ‘Otua; Te u hiva mo fakamālō, ‘io, ‘e hoku kolōlia.

²‘Ā, helefilo mo e ha‘ape: Ko au te u fafangu ‘a e ata kei mohe.

³Te u fakafeta‘i kiate koe, ‘Eiki, ‘I he lotolotonga ‘o e ngaahi kakai: Te u hiva fakamālō ki he ‘Afiona ‘I he lotolotonga ‘o e ngaahi fa‘ahinga.

⁴He ‘oku mā‘olunga ‘i he langi ho‘o ‘alo‘ofa: Pea ko ho‘o totonu ‘oku a‘u ki he ngaahi ‘ao na.

⁵‘Ai ke ke mā‘olunga ‘i he ngaahi langi, ‘e ‘Otua: Pea ke mā‘olunga ho kolōlia ‘i māmani kotoa.

⁶Koe‘uhi ko ho‘o pele ke hamusi, Fakato‘omata‘u mai ho‘o fakamo‘ui, Pea tali ‘a kimautolu ni.

⁷‘Oku ai ha folofola ‘a ‘Elohimi Na‘e fai‘aki ‘ene mā‘oni‘oni:[141] “‘Āua, ke u fakamofuta mu‘a, Ko Sīkemi te u vahea, Pea ko e tele‘a ‘o Sūkote te u tufa.

⁸‘Oku ‘o‘oku ‘a Kiliati ē, Pea ‘o‘oku mo Manase, Pea ko ‘Ifalemi ko e tauhi hoku ‘ulu ia; Ko Siuta ko ‘eku sēpita.

⁹Ko Moape ‘eku ipu kaukau‘anga; Ko ‘Ītomi te u lī ki ai hoku teka; Te u fākaulu ‘i Filisitia.”

¹⁰Ko hai ‘e taki au ki he kolo ‘aa‘i? Ko hai na‘e ‘ave au ki ‘Ītomi?

¹¹‘Ikai kuo ke li‘aki kimautolu, ‘Elohimi ē? Pea ‘oku ‘ikai te ke hā‘ele atu mo ‘emau ngaahi hōsitē.

¹²‘Omi tokoni mo tali ‘a e fili: He ko e tokoni ‘a e tangata ko e koto nge‘esi.

¹³Te tau fai fita ‘ia ‘Elohimi: He ko ia ia te ne malaki hotau ngaahi fili.