Read KO E TOH TAPU KATOA TONGA KO E SAAME 11 Bible Online

KO E SAAME 11 - KO E TOH TAPU KATOA TONGA bible

KO E SAAME 11

¹(Ki he Pule ‘o e Hiva. Ko e me‘a ‘a Tēvita.) Kuo u ma‘u hūfanga ‘i he ‘Eiki: Fēfē ho‘omou lau ki he‘eku mo‘ui, “Hola ki homou mo‘unga, ‘a e fanga misi:[10]

²He vakai ko e angakovi ‘oku nau teke kaufana, Kuo nau faka‘ata ‘enau ngahau ‘i he uka, Ke fana po‘uli ki he loto-totonua.

³Ka tulaki ‘a e ngaahi pou, Ko e hā ‘e fai ‘e he angatonu?”

⁴Ko Sihova ‘i hono Temipale tapu na, Ko Sihova ‘oku ‘i langi ‘i hono ‘afio‘anga; ‘Oku vakai‘i ‘e hono fo‘i fofonga, ‘Oku sivi ‘e hono lau‘i fofonga ‘a e hako‘i tangata.

⁵‘Oku sivi ‘e Sihova ‘a e mā‘oni‘oni: Ka ko e angakovi, mo e ‘ofa ki he fakamālohi, ‘Oku fehi‘a ki ai ‘ene mo‘ui.

⁶Ke ne faka‘uha mu‘a ki he angakovi ‘a e malala‘i afi[11] Ko e ‘inasi ‘o ‘enau ipu ko e matangi vela.

⁷He ko e faitotonu ‘a Sihova; Ko e me‘a totonu ‘oku ne manakoa: Ko e angatonu te nau mātā hono fofonga.[12]