Read KO E TOH TAPU KATOA TONGA KO E SAAME 113 Bible Online

KO E SAAME 113 - KO E TOH TAPU KATOA TONGA bible

KO E SAAME 113

¹HALELU‘IA! Ha‘a tamaio‘eiki ‘a Sihova, mou fakamālō‘ia, Mou fakamālō‘ia ‘a e huafa ‘o Sihova.

²Ke fakamālō‘ia ‘a e huafa ‘o Sihova Mei he taimi ni ‘o ta‘engata.

³Ke fakamālō‘ia ‘a e huafa ‘o Sihova Mei he hopo ki he tō ‘a e la‘ā.

⁴‘Oku mā‘olunga ‘a Sihova ‘i he ngaahi pule‘anga, ‘Oku mā‘olunga ‘i he ngaahi langi ‘a hono kolōlia.

⁵Ko hai ‘oku tatau mo Sihova ko hotau ‘Otua? ‘A ia ‘oku ne ‘ai mei ‘olunga hono ‘afio‘anga.

⁶‘A ia ‘oku ne āfeitaulalo ke vakai ‘a e ngaahi me‘a ‘a langi mo māmani.

⁷‘Oku ne fokotu‘u mei he efu ‘a e lāuvale; ‘Oku ne hiki si‘i masiva mei he tu‘unga veve.

⁸Ke ne ‘ai ke nau nonofo mo hou‘eiki, ‘Io, mo e hou‘eiki ‘o hono kakai.

⁹‘A ia ‘oku ne ngaohi ‘a e pa‘a ke fakafāmili — Si‘i finemotu‘a fiefia he ma‘u tamaiki. Halelu‘ia!