Read KO E TOH TAPU KATOA TONGA KO E SAAME 125 Bible Online

KO E SAAME 125 - KO E TOH TAPU KATOA TONGA bible

KO E SAAME 125

¹(Ko e Hiva ‘o e ngaahi ‘Alu-hake.) KO kinautolu ‘oku falala kia Sihova ‘Oku nau hangē ko Mo‘unga Simione ‘ene ta‘emauea, Ka ‘oku nofo pē ‘o ta‘engata.

²Hangē ko Selusalema ‘oku takai‘i ‘e he ngaahi mo‘unga, Pehē ‘oku takai‘i hono kakai Sihova, Mei he taimi ni ‘o ta‘engata.

³He ‘ikai nofo ai pē ‘a e sēpita ‘o e faikovi ‘i he tofi‘a ‘o ha‘a mā‘oni‘oni, Na‘a hanga ‘a ha‘a mā‘oni‘oni, ‘O mafao atu ke ala ki he kovi.

⁴Fai lelei ki he kakai lelei, ‘e Sihova; Pea kiate kinautolu ‘oku loto totonua.

⁵Ka ko kinautolu ‘oku piko‘i honau ngaahi ‘alunga, ‘E kouna kinautolu ‘e Sihova ke nau ō mo e kau faihala. Ke melino ‘a ‘Isileli mu‘a!