Read KO E TOH TAPU KATOA TONGA KO E SAAME 129 Bible Online

KO E SAAME 129 - KO E TOH TAPU KATOA TONGA bible

KO E SAAME 129

¹(Ko e Hiva ‘o e ngaahi ‘Alu-hake.) KUO lahi ‘enau fai fakamamahi kiate au talu ‘eku talavou — Ke pehē mu‘a ‘a e lea ‘a ‘Isileli —

²Kuo lahi ‘enau fai fakamamahi kiate au talu ‘eku talavou: Kae tala‘ehai kuo nau mālohi mai.

³Ko e kau faka‘uli palau na‘a nau keli hoku tu‘a: Na‘a nau fakaloloa ‘enau ngaahi ‘otu na.

⁴‘Oku mā‘oni‘oni ‘a Sihova: Kuo ne tu‘usi ‘a e kafa ‘a e kau angahala.

⁵Ke mā mo sītu‘a pē ‘a kinautolu kotoa ‘oku fehi‘a ki Saione.

⁶Ke nau hangē ko e mohuku ‘i he tu‘a fale, ‘A ia ‘oku mae te‘eki huli hake.

⁷‘A ia ‘oku ‘ikai ke ala ki ai ‘a e tu‘usi ‘o faluku, Pe kupusi ‘e he no‘o ‘ū.

⁸Pea ‘oku ‘ikai ke lau ki ai ‘a e kau fononga noa, “Ke toka atu ‘a e tāpuaki ‘o Sihova.” “‘Oku mau tāpuaki‘i kimoutolu ‘i he huafa ‘o Sihova.”