Read KO E TOH TAPU KATOA TONGA KO E SAAME 130 Bible Online

KO E SAAME 130 - KO E TOH TAPU KATOA TONGA bible

KO E SAAME 130

¹(Ko e Hiva ‘o e ngaahi ‘Alu-hake.) Mei he ngaahi loloto Kuo u tautapa Kiate koe, ‘e Sihova.

²‘Ātonai ē, ongo‘i ‘eku lea: Ke tokanga‘i tu‘u ho fofonga ki he le‘o ‘o ‘eku hūfia.

³Ka ne ke nofo, ‘e IĀ, ke lama kovi, Ko hai ha taha ‘e tu‘u, ‘Ātonai?

⁴Ka ‘oku ‘iate koe ‘a e fakamolemole, Koe‘uhi ā ke fai ha ‘apasia kiate koe.

⁵Kuo u nofo‘aki tali kia Sihova ē; Na‘e nofo‘aki tali hoku laumālie: Pea ‘i he‘ene folofola na‘a ku ‘amanaki pē.

⁶‘Oku hanga hoku laumālie kia ‘Ātonai, ‘O lahi ‘ene holi ‘i he holi ‘a e kau le‘o ki he pongipongi; ‘Io, ‘a e kau le‘o ki he pongipongi.

⁷‘E ‘Isileli, tu‘u ho‘o ‘amanaki ‘ia Sihova; He ‘oku ‘ia Sihova ‘a e ‘ofa. Pea ‘oku ‘i he‘ene ‘Afio ‘a e huhu‘i, ‘o lahi ‘ānoa.

⁸Pea te ne huhu‘i ‘a ‘Isileli ‘e ia Mei he‘enau ngali kovi kotoa.