Read KO E TOH TAPU KATOA TONGA KO E SAAME 132 Bible Online

KO E SAAME 132 - KO E TOH TAPU KATOA TONGA bible

KO E SAAME 132

¹‘EIKI, manatu ma‘a Tēvita ‘Ene fakafitefita‘a kotoa.

²‘Ene fuakava kia Sihova ē, Mo fai ‘ene tukumo‘ui ‘i he To‘a ‘o Sēkope:

³“‘Ilo ‘e au ‘o kapau te u hū ki hoku fale tēniti, Pe heka ki he fala ‘oku ou mohe ai:

⁴‘Ilo ‘e au ‘o kapau te u tuku hoku mata ke mohe, Pe ko hoku laumālie ke tule;

⁵Kae‘oua ke u ‘ilo ha potu kia Sihova ē, Ha nofo‘anga ki he To‘a ‘o Sēkope.”

⁶Vakai na‘a tau fanongo ko ‘Efalata ‘oku ‘i ai Pea tau ‘ilo ia,[161] ‘i he vao ‘o Siali.

⁷“Tau hū ki hono nofo‘anga ē; Tau punou he ‘ao ‘o hono tu‘unga va‘e.

⁸Ma‘ama‘a hake, ‘Eiki, ki ho mālōlō‘anga, ‘A koe mo e ‘A‘ake ko ho mālohinga.

⁹Ko ho‘o kau taula‘eiki ke nau kofu ‘aki ‘a e totonu, Pea ke hiki mavava ho‘o kakai lotu.

¹⁰Ko e me‘a ‘i ho‘o tamaio‘eiki ko Tēvita ‘Oua te ke hanga kehe mei he fofonga ‘o ho Mīsaia.”

¹¹Kuo fuakava ‘a e ‘Eiki kia Tēvita — Ko e fo‘i mo‘oni ia: ‘e ‘ikai te ne foki mei ai — “Te u fokotu‘u mei he fua ho manava Ha taha ke nofo ho taloni.

¹²Kapau ‘e tauhi ‘eku kovinānite ‘e ho‘o fānau, Mo e ‘ū fakamo‘oni te u ako kiate kinautolu, Ko ‘enau fānau foki, ‘o ta‘etuku, ‘E nofo ki he taloni ‘o‘ou.”

¹³He kuo fili ‘a Saione ‘e Sihova; Kuo ne manako ki ai moano nofo‘anga.

¹⁴“Ko hoku mālōlō‘anga eni, ‘o ta‘ehili: Te u nofo hē, he Kuo u manako ki ai.

¹⁵Te u mātu‘aki tāpuaki‘i ‘ene tokonaki; Te u fakatopono ‘ene kau masiva ‘aki ‘a e me‘akai.

¹⁶Pea te u ‘ai ki he‘ene kau taula‘eiki ‘a e fakamo‘ui moonau kofu: Pea ‘e fu‘u hiki mavava ‘ene kau lotu.

¹⁷Ko e potu ko ē te u ‘ai ke talamuka ‘a e nifo ‘o Tēvita: Kuo u teu ha mama ma‘a hoku Mīsaia[162]

¹⁸Te u kofu ‘aki ‘a e mā hono ngaahi fili: Ka ko ‘Ene ‘Afio — ‘e fisi hono kalauni.”