Read KO E TOH TAPU KATOA TONGA KO E SAAME 142 Bible Online

KO E SAAME 142 - KO E TOH TAPU KATOA TONGA bible

KO E SAAME 142

¹(Ko e Hiva-ako ‘a Tēvita ‘i he‘ene ‘i he ‘ana. Ko e lotu.) KO hoku le‘o te u kalanga‘aki kia Sihova; Ko hoku le‘o te u fai‘aki kia Sihova ‘eku hūfia.

²Te u lilingi ‘i hono ‘ao ‘eku tangi; Te u ‘a‘au ‘i hono ‘ao ‘eku mamahi.

³Ka pongia ‘a e laumālie ‘ia kita, ‘Oku ke ‘ilo ‘e koe hoto founga. ‘I he hala ‘oku ou fononga ai Kuo nau tu‘u fufū ha hele mōku tali.

⁴Hanga ki to‘omata‘u, ‘o vakai; Hono ai ha taha ‘e tokanga mai. ‘Oku ‘ikai haku hūfanga ‘e toe; ‘Oku ‘ikai ha taha ‘oku ‘eke telia hoku laumālie.

⁵Kuo u tangi kiate koe, ‘Eiki; Kuo u pehē, Ko koe hoku uungi, Ko hoku ‘inasi he fonua ‘o e mo‘ui.

⁶Finangalo mai ki he‘eku kalanga; He Kuo u vaivai fau: Hāmusi au mei hoku kau fakatanga, He ‘oku nau mālohi ‘iate au.

⁷Fakahao hoku laumālie mei he fale pōpula,[171] Ka u fakamālō‘ia ho huafa: ‘E pōlepole ‘iate au ‘a e kau angatonu, Koe‘uhi kuo ke fakakakato ma‘aku.