Read KO E TOH TAPU KATOA TONGA KO E SAAME 143 Bible Online

KO E SAAME 143 - KO E TOH TAPU KATOA TONGA bible

KO E SAAME 143

¹(Ko e Saame ‘a Tēvita.) ‘EIKI, ongo‘i ‘eku lotu; Fofonga mai ki he‘eku hū tōtōaki atu; ‘I ho‘o fai mo‘oni mo totonu Ke ke tali au.

²‘Oua na‘a ke fakamāu‘i ho‘o tamaio‘eiki ko kita; He ‘i ho ‘ao ‘oku ‘ikai ha taha mo‘ui te ne tonuhia.

³He kuo fakatanga hoku laumālie ‘e he fili, Kuo ne tā ki he kelekele ‘eku mo‘ui: Kuo ne ‘ai ke u nofo ‘i he po‘uli lōlō, Hangē ko e kakai kuo mate ‘aupito.

⁴Pea ‘oku pongia ‘a e laumālie ‘ia kita; Pea ko hoku laumālie ‘i loto ‘oku tuēnoa.

⁵Kuo u fakamanatu ‘a e ngaahi taimi mu‘a; Kuo u fakakaukau ki he ngaahi me‘a kuo ke feia. ‘Oku ou fakalaulauloto ki he ngāue ‘a ho nima.

⁶Kuo u mafao atu hoku nima ki he ‘Afiona: ‘Oku fie inu hoku laumālie kiate koe hangē ha fonua mōmoa. (Sila!)

⁷Tali vave au, Sihova ē; ‘Oku toe si‘i pē hoku laumālie: ‘Oua te ke hanga kehe meiate au; Na‘a ku hangē ko ha‘a hifo ki vanu.

⁸Tuku ke u fanongo ki ho‘o ‘ofa kei pongipongi; He ‘oku tu‘u ‘eku falala kiate koe: Tuku ke u ‘ilo ‘a e hala te u fou ai; He ko koe Kuo u hapai ki ai hoku laumālie.

⁹Hāmusi au mei hoku ngaahi fili, ‘e Sihova: Kuo u toi ki he ‘Afiona.

¹⁰Ako au ke u fai ho finangalo; He ko hoku ‘Otua ‘a ho‘o ‘Afio. Ko ho Laumālie Lelei ke ne taki kita Ki ha fonua tafangafanga.

¹¹Fakamānava hake au, ‘e Sihova; Telia ho huafa: Fakahao hoku laumālie mei he ‘efitu‘ua, ‘O taau mo ho angatonu na.

¹²Pea ‘i ho‘o ‘ofa tu‘usi hoku ngaahi fili, Pea faka‘auha ‘a e kau fakamamahi kotoa ‘o ‘eku mo‘ui: He ko au ko ho‘o tamaio‘eiki.