Read KO E TOH TAPU KATOA TONGA KO E SAAME 15 Bible Online

KO E SAAME 15 - KO E TOH TAPU KATOA TONGA bible

KO E SAAME 15

¹(Ko e Saame ‘a Tēvita.) E, Sihova, ko hai ‘e ‘āunofo ‘i he tēniti ‘o‘ou? Ko hai ‘e ma‘u nofo‘anga ‘i ho mo‘unga tapu?[13]

²Ko ia ‘oku ne foua ‘a e haohaoa, mo feia ‘a e totonu, Pea ko e mo‘oni ‘o hono loto ‘oku ne ‘a‘au.

³Ko ia ‘oku ‘ikai ‘i hono ‘elelo ‘a e lau‘i kovi, Kuo ‘ikai te ne fai kovi ki hono fe‘iloaki, Pea kuo ‘ikai te ne tufi hake ha lau ki hono kaungā‘api.

⁴Ha taha ‘oku hā ma‘ama‘a ki ai ‘a e tangata mousa‘a; Ka ‘oku ne toka‘i kinautolu ‘oku ‘apasia kia Sihova. Ha taha ‘oku ne fai ha fuakava ‘o iku ki ha‘ane kovi, Ka ‘oku ‘ikai te ne mio‘i.

⁵Ha taha ‘oku ‘ikai ke ‘eke toloi ‘i ha‘ane tali nō pa‘anga, Pe kuo ne tali ha koloa ke fakahalaia‘i ‘a si‘i ‘ata‘atā. ‘E ‘ikai ue‘i ha taha pehē ‘o ta‘engata.