Read KO E TOH TAPU KATOA TONGA KO E SAAME 17 Bible Online

KO E SAAME 17 - KO E TOH TAPU KATOA TONGA bible

KO E SAAME 17

¹(Ko e Lotu ‘a Tēvita.) ‘EIKI, ke ke ongo‘i ‘a e totonu, fofonga ki he‘eku tautapa; He tala‘ehai ‘oku ‘alu atu mei he ngutu kākā.

²Ke ‘alu atu mei ho fofonga hoku fakamaau; Ko ho ongo fo‘i fofonga na ‘oku na vakai ‘a e totonu.[16]

³Kuo ke ‘eke hoku loto; Kuo ke ‘a‘ahi mai ‘i he pō; Kuo ke sivi mai kae ‘ikai ‘ilo ha efe ‘iate au. Kuo ai koā ha‘aku fakakaukau kovi? ‘E ‘ikai ‘alu atu ‘i hoku ngutu.[17]

⁴Ka lau ki he tau‘aki tangata, Ko e me‘a ‘i he ngaahi lea ‘a ho fofonga Ko au Kuo u faka‘ehi‘ehi Mei he ‘alunga ‘o e fakamālohi.

⁵Ko e ta‘ofi tu‘u ‘eku laka ki ho topuva‘e, Ko e me‘a ia kuo ‘ikai humu ai ‘eku hā‘ele.

⁶Ko au Kuo u tautapa atu ki he ‘Afiona; He ‘oku ke tali au, ‘e ‘Otua: Ke ke ofe‘i ho fofonga kiate au, ‘O tokanga ki he‘eku lau.

⁷Fai ‘a e ngaahi ‘ofa ‘ilonga, ‘A koe ‘oku ke malu‘i ‘a e kau hūfanga Mei he kau mākeke hake ki ho nima to‘omata‘u na.

⁸Ke ke tauhi au ‘o hangē ha tama‘imata Fufū au ‘i he malu ‘o ho kapakau na.

⁹Koe‘uhi ko e kau kovi ‘oku laiki au, ‘A hoku ngaahi fili fīta‘a ‘oku ‘ākolo‘i au.

¹⁰Ko honau ngako ‘oku nau ‘opo ai; Ko honau ngutu ‘oku lea fielahi.

¹¹‘Oku mau laka ki hē; kuo ‘osi ‘enau kāpui mai: ‘Oku fakamama‘u ‘enau sio ke tulaki.

¹²Hangē tofu pē ha laione ‘oku holi ke haea, Pe ha laione mui ‘oku tokotoaki ‘i he toitoi‘anga.

¹³Tu‘u hake mu‘a, ‘e Sihova, Fakafetaulaki kiate ia: Tulaki pē ‘ena Fakahaofi ‘eku mo‘ui mei he kakai kovi ‘aki ho‘o heletā.[18]

¹⁴‘Io, mei he kau siana na ‘aki ho nima, ‘Eiki, Mei he kau siana fakaetaimi ‘Oku nau tofi‘a ‘aki ‘a e mo‘ui ni, Pea ‘oku ke fakafonu honau mānava ‘aki ho‘o tokonaki, ‘Oku nau topono (tokua) ‘i he ma‘u fānau tangata, Pea ‘oku nau tuku ki he‘enau tamaiki ‘enau toenga koloa.

¹⁵Ka ko au — ka u mamata mu‘a ki ho fofonga ‘i he mā‘oni‘oni: Ka u topono mu‘a ‘i ha‘aku ‘ā hake ‘i ho‘o ha totonu mai.