Read KO E TOH TAPU KATOA TONGA KO E SAAME 23 Bible Online

KO E SAAME 23 - KO E TOH TAPU KATOA TONGA bible

KO E SAAME 23

¹(Ko e Saame ‘a Tēvita.) KO hoku tauhi ‘a Sihova; ‘E ‘ikai te u masiva.

²‘Oku ne fakatokoto au he ngaahi toafa lau mukomuka; ‘Oku ne taki au ki he ngaahi vai fakanonga.

³Ko hoku laumālie ‘oku ne fakafoki: ‘Oku ne taki au ‘i he ngaahi hala ‘o e mā‘oni‘oni; Ko hono ‘uhinga ē Ko hono huafa pē.

⁴‘Io, neongo ‘ete ‘alu pē ‘I he tele‘a ‘oku malu‘aki ai ‘a Mate, ‘E ‘ikai te u manavahē ki ha kovi; He ko koe ‘oku ma feohi: Ko si‘o tokotoko mo ‘akau, ‘Oku na fakafiemālie‘i au.

⁵‘Oku ke teuteu mai ‘i hoku ‘ao ha tēpile, Ka ko hoku ngaahi fili ‘oku sio mei hē: Kuo ke pani lolo hoku ‘ulu; ‘Oku fonu mahuohua ‘a ‘eku ipu.

⁶Tā ‘e toupili mai ‘a e lelei mo e ‘alo‘ofa ‘I hoku ngaahi ‘aho kotoa; Pea ko ‘eku nofo ‘i he fale ‘o Sihova ‘E fai pē ‘o lauikuonga.