Read KO E TOH TAPU KATOA TONGA KO E SAAME 27 Bible Online

KO E SAAME 27 - KO E TOH TAPU KATOA TONGA bible

KO E SAAME 27

¹(Ko e me‘a ‘a Tēvita.) KO Sihova ‘a hoku maama mo hoku fakamo‘ui; Te u manavahē kia hai? Ko Sihova ‘a e kolo ‘o ‘eku mo‘ui; Ko hai te u teteki ki ai?

²‘I he ‘unu kiate au ha kau faikovi Ke kai hoku kakano, ‘A e fai mai hoku kau fakamamahi mo hoku ngaahi fili, Na‘a nau humu pea tō.

³Neongo ‘e nofo‘i mai ha kongakau, Ko hoku loto ‘e ‘ikai manavahē: Neongo ‘e tu‘u kiate au ‘a e tau, Na‘a mo ia te u falala pē.[32]

⁴Kuo u kole meia Sihova ha me‘a pē taha, Ko ia pē te u kumi ki ai; Ke u nofo ‘i he fale ‘o Sihova ‘I he ‘aho kotoa ‘o ‘eku mo‘ui, Ke siofi ‘a e faka‘ofo‘ofa ‘o e ‘Eiki, Mo fakalaulauloto ‘i hono palasi.

⁵He te ne fufū au ‘i hono malu ‘i he ‘aho ‘o e kovi; Te ne ‘ufi‘ufi ‘i he toitoi‘anga ‘o hono tēniti; Ko e maka te ne hiki au ki ai.

⁶Pea ko eni te u hiki hoku ‘ulu ki hoku ngaahi fili ‘oku kāpui kita; Pea te u feia ‘i hono tēniti ‘ani feilaulau mavava; Te u hiva mo tā ha‘ape kia Sihova.

⁷Fanongo, ‘Eiki, hoku le‘o ‘i he‘eku tautapa atu: Pea ke ‘ofa mai ‘o tali au.

⁸Na‘a ke pehē koā, “Mou kumi ki hoku fōtunga”? Na‘e tali atu hoku loto, “Ko ho fofonga, ‘Eiki, te u kumia.”

⁹‘Oua te ke fufū ho fofonga meia kita; ‘Oua te ke teke‘i ho‘o tamaio‘eiki ‘i he ‘ita: Ko hoku tokoni ‘a e ‘Afiona ‘i mu‘a; ‘Oua ‘e tukuange au, pea ‘oua ‘e li‘ekina, ‘E hoku ‘Otua Fakamo‘ui‘anga.

¹⁰Neongo ‘e li‘aki au ‘e he‘eku tamai mo ‘eku fa‘ē, ‘E fakahoko au ‘e Sihova kiate ia pē.

¹¹Huluhulu au ‘i ho hala, ‘Eiki, Pea tataki au ‘i he hala tokalelei, Telia ‘a e kakai ‘oku tokamalumu mai.

¹²‘Oua ‘e tukuange au ke fai ‘a e loto ‘o hoku ngaahi fili: He kuo tu‘u kiate au ‘a e kau fakamo‘oni loi, Mo e fa‘ahinga ‘oku hō ‘aki ‘a e fakamālohi.

¹³Ka ne ta‘e‘oua ‘eku tui Ke mamata ki he lelei ‘o Sihova ‘i he fonua ‘o e mo‘ui —

¹⁴Nofo, ‘o sio ki he ‘Eiki: Fakato‘oto‘a, pea ke tānaki ‘e ho loto ha ivi; Tala atu, nofo ‘o sio ki he ‘Eiki.