Read KO E TOH TAPU KATOA TONGA KO E SAAME 29 Bible Online

KO E SAAME 29 - KO E TOH TAPU KATOA TONGA bible

KO E SAAME 29

¹(Ko e Saame ‘a Tēvita.) TUKU kia Sihova, hako ‘o ‘Ela, Tuku kia Sihova ‘a e kolōlia mo e mālohinga.

²Tuku kia Sihova ‘a e kolōlia ‘o hono huafa; Hū kia Sihova ‘i he teunga tāpuhā.[33]

³Ko e le‘o ‘o Sihova ē ‘i he ngaahi funga vai na: Ko ‘Ela lāngilangi ‘oku mana, Ko Sihova ē ‘i he funga vai kāfakafa.

⁴Ko e le‘o ‘o Sihova ‘oku ha‘aki mai; Ko e le‘o ‘o Sihova ‘oku fakangeingei.

⁵Ko e le‘o ‘o Sihova ē ‘oku laiki ‘a e ngaahi sita; ‘Io, ‘oku laiki ‘a e ngaahi sita ‘o Lepanoni ‘e Sihova.

⁶Pea ‘oku ne fakahopo kinautolu ‘o hangē ha kafi; ‘A Lepanoni mo Silioni ‘o hangē ha pufaloe mui.

⁷Ko e le‘o ‘o Sihova ‘oku fahi mai ‘ani ulo‘i afi.

⁸Ko e le‘o ‘o Sihova ē ‘oku ne lulu ‘a e toafa; Ko e Toafa ‘o Kētesi ‘oku lulu ‘e Sihova.

⁹Ko e le‘o ‘o Sihova ‘oku ne fakafā‘ele‘i ‘a e fanga tia,[34] Pea ne tū‘ulu ‘a e vao tātā: Pea ‘i hono temipale ‘oku ha‘aki mai kotoa, “Kolōlia!”

¹⁰Na‘e ‘i hono taloni ‘a Sihova ‘i he Lōmaki; Pea ko Sihova ‘oku ‘afio ni ko e Tu‘i laui ‘ītāniti.

¹¹Ko Sihova te ne foaki ivi ki hono kakai; Ko Sihova te ne ‘atu ki hono kakai ‘a e melino moonau tāpuaki.