Read KO E TOH TAPU KATOA TONGA KO E SAAME 4 Bible Online

KO E SAAME 4 - KO E TOH TAPU KATOA TONGA bible

KO E SAAME 4

¹(Ki he Pule ‘o e Hiva, Ke fai mo e ngaahi me‘a helefilo. Ko e Saame ‘a Tēvita.) KA U ka tangi atu ke ke tali au, ‘A e ‘Otua ‘o ‘eku totonu! ‘I he‘eku ‘efihia na‘a ke faka‘atā au: Āfeitaulalo mai ‘o ongo‘i ‘eku lotu.

²Ha‘a matāpule, ko futufutunga ‘a e liliu hoku lāngilangi ko e fakamā! Ko futu ho‘omou ‘ofa ki he muna, Mo kumi ki he kākā! (Sila)

³Ka mou ‘ilo kuo vahe‘i mo‘ona ‘e Sihova ‘ene ‘ofeina;[3] ‘Oku ongo‘i ‘e Sihova ‘oka u ka tangi kiate ia.

⁴Mou tetetete, ‘o ‘oua ‘e faihala.[4] Fakalaulauloto ‘i homou mohenga, ‘oua ‘e lea. (Sila)

⁵‘Atu ‘a e ngaahi feilaulau fakatonuhia, Pea tu‘u ho‘omou falala kia Sihova.

⁶‘Oku lau ‘e he tokolahi, Ko hai te ne faka‘ilo mai he lelei? Hiki hake mai koe, ‘e Sihova, ‘A e maama ‘o ho fofonga!

⁷Kuo ke ‘ai ki hoku loto ha fiefia ‘Oku lahi ‘i he‘enau ongo‘i na, ‘I he taimi na‘e fu‘u tupulekina ai ‘a ‘enau uite mo e kava.

⁸Kuo lelei, ka u tokoto hifo pea u mohe leva; He ko koe, ‘Eiki, ‘oku ke fe‘unga toko taha mo ‘eku nofo nonga.