Read KO E TOH TAPU KATOA TONGA KO E SAAME 40 Bible Online

KO E SAAME 40 - KO E TOH TAPU KATOA TONGA bible

KO E SAAME 40

¹(Ki he Pule ‘o e Hiva. Ko e Saame ‘a Tēvita.) NA‘A KU tatali fietatali kia Sihova; Pea ne me‘a mai, ‘o ongona ‘eku tautapa.

²Pea ne ‘ohake au mei he lepa ‘u‘ulu, Mei he kele pela; ‘O ne ‘ai hoku va‘e ki ha makatu‘u, Mo ‘ai ke ma‘u ‘eku laka.

³Pea kuo ne ‘ai ki hoku ngutu ha hiva fo‘ou, Ko e fakamālō ki he ‘Otua ‘otautolu: ‘E sio ki ai ha tokolahi, ‘o nau ‘apasia, Pea ‘e tu‘u ‘enau falala kia Sihova.

⁴Monū‘ia ā ka ko e tangata, Kuo tu‘u ‘ia Sihova ‘ene falala, ‘O ‘ikai ke hanga ki he kau fakamofutofuta, Pe ki he fa‘ahinga ‘oku tafoki kākā.

⁵‘E Sihova ko hoku ‘Otua, Kuo ke fakalahi ho‘o ngaahi ngāue mana, Mo ho‘o ngaahi fakakaukau ma‘a homau fa‘ahinga: ‘Oku ‘ikai lava hono fa‘u hokohoko atu; Ka ne u fie fakahā mo ‘a‘au ‘Oku nau hulu ‘i he‘eku mafai ke lau.

⁶Ko e tāmate manu mo e me‘a‘ofa, ‘Oku ‘ikai te ke manakoa — Kuo ke foa telinga mo‘oku — Ko e feilaulau-mōifua mo angahala, ‘Oku ‘ikai te ke tala ke ‘atu.

⁷Pea u toki pehē, “Ko au eni Kuo u ha‘u — ” ‘I he takainga tohi kuo tohi mo‘o ku —

⁸“‘E hoku ‘Otua, ‘oku ou manako Ke u fai ho‘ou finangalo; Pea ‘oku ‘i hoku loto fatu ho‘o lao.

⁹Kuo u ongoongolelei mai ki he fakataha lahi ‘a e mā‘oni‘oni.” Seuke, ko hoku ngutu ē ‘e ‘ikai te u ta‘ofi, ‘E Sihova, ‘oku ke ‘afio‘i.

¹⁰Kuo ‘ikai te u fufū ‘i hoku loto ho‘o faitotonu; Ko ho‘o fai mo‘oni mo ho‘o fakamo‘ui Kuo u ‘a‘au: Na‘e ‘ikai te u fakapuli mei he fu‘u fakataha ‘a e ‘ofa mo e mo‘oni ‘a e ‘Afiona.

¹¹Tala‘ehai te ke ta‘ofi, ‘e Sihova, Ho‘o faka‘atu‘i kita: ‘Ofa ke malu‘i ai pē kita ‘a e ‘ofa mo e mo‘oni ‘a e ‘Afiona.

¹²He ‘oku kāpui au ‘e he ngaahi kovi ‘oku ‘ikai lava hono lau, ‘Oku loki au ‘e he‘eku ngaahi hia, ‘o ‘ikai te u masio atu; ‘Oku hulu ‘i hoku tu‘oni lou‘ulu hono lau, Pea kuo mole hoku loto ‘iate au.

¹³Fai ho tau, ‘Eiki, ‘o hamusi kita: ‘Eiki, vave mai ke tokonia.

¹⁴Ke nau mā mo kula fakataha, ‘A kinautolu ‘oku kumi ‘eku mo‘ui ke faka‘auha: Ke nau hola vale ‘o ongoongokovi, ‘A ha‘a fiefia ‘i he‘eku tu‘utāmaki.

¹⁵Ko e ‘ātunga ‘o ‘enau mā ke nau mo‘utāfu‘ua ‘A kinautolu ‘oku pehē mai, “Ma‘ito‘a! Ma‘ito‘a!”

¹⁶Ke fiefia ‘i he ‘Afiona mo hākailangitau ‘A ia fua pē ‘oku vivili atu: Ke lavaki lau ‘a e kau ‘ofa ki ho‘o fakamo‘ui na, “‘Ē, ke hākeaki‘i ‘a e ‘Afiona.”

¹⁷Ko au eni ko e fāiekina mo tu‘utāmaki; Ka ‘oku tukulotoa au ‘e ‘Ātonai: Ko hoku tokoni mo huhu‘i ‘a e ‘Afiona; ‘E hoku ‘Otua, ‘oua te ke fakatotoka.