Read KO E TOH TAPU KATOA TONGA KO E SAAME 41 Bible Online

KO E SAAME 41 - KO E TOH TAPU KATOA TONGA bible

KO E SAAME 41

¹(Ki he Pule ‘o e Hiva, Ko e Saame ‘a Tēvita) MONŪ‘IA Ā ka ko ia ‘oku ne toka‘i ‘a e tu‘utāmaki: Ka hoko ‘a e ‘aho kovi ‘e fakahaofi ia ‘e he ‘Eiki.

²‘E tauhi ‘e Sihova mo fakamo‘ui, Te ne monū‘ia ‘i māmani, Pea ‘e ‘ikai te ke tuku ke fa‘iteliha ai hono ngaahi fili.

³Ko Sihova te ne poupou ia ‘i he toka‘anga, he‘ene ngaluvai: ‘Oku ke fakalelei hono mohenga kotoa he‘ene mahaki.[48]

⁴Ko au na‘a ku pehē, ‘Alo‘ofa mai, ‘e Sihova: Faito‘o hoku laumālie, he Kuo u angahala ki he ‘Afiona.

⁵Ko hoku ngaahi fili ‘oku nau faka‘amu kovi mai, “‘Afē te ne mate, pea mole ‘a e manatu ki ai?”

⁶Pea ka ha‘u ia hoku ‘a‘ahi ‘oku ne lau loi; Ko hono loto ‘oku ne tufi ‘a e kovi: ‘Oku ne ‘alu ki tu‘a, ‘o lea ki ai.

⁷‘Oku nau fakataha hoku vangi, ‘oku nau fefanafanahi: ‘A kinautolu kotoa ‘oku fehi‘a mai: ‘Oku nau puleaki‘i au ke fai mai ha kovi.[49]

⁸“Kuo pau kuo hua‘i kiate ia ha mahaki fakalielia, Pea ‘e ‘ikai te ne tu‘u mei he‘ene tokoto ko ia.”

⁹Ko hoku kaume‘a fafale foki, ‘A ia na‘a ku falala ki ai, Ha taha na‘e kai ‘a e mā ‘a‘aku, Kuo ne hiki hono muiva‘e kiate au.

¹⁰Ka ko koe, ‘Eiki, ke ‘alo‘ofa mai, ‘o fokotu‘u au; Ka u fai ha sauni kiate kinautolu.

¹¹Ko e me‘a ko ia ‘oku ou ‘ilo ai ho‘o kei manako mai, He ‘oku ‘ikai mavava ‘iate au hoku fili.

¹²‘Io, ko au ‘oku ke pukepuke ‘i he‘eku haohaoa, Pea ‘oku ke ‘ai ke u fe‘ao ma‘u mo koe, ‘o ta‘engata.

¹³Ke mālō‘ia ‘a Sihova ko e ‘Otua ‘o ‘Isileli Mei ‘ītāniti ki ‘ītāniti. ‘Ēmeni mo ‘Ēmeni.