Read KO E TOH TAPU KATOA TONGA KO E SAAME 47 Bible Online

KO E SAAME 47 - KO E TOH TAPU KATOA TONGA bible

KO E SAAME 47

¹(Ki he Pule ‘o e Hiva. Ko e me‘a ‘a ha‘a Kola. Ko e Saame.) PASIPASI nima, ‘a e ngaahi kakai na; Ha‘aki kia ‘Elohimi ‘a e hiva fiefia.

²He ko e taupotu ‘a Sihova, ko e manavahē‘ia: Ko e tu‘i lahi ‘o māmani kātoa.

³‘Oku ne fakavaivai kiate kitautolu ‘ani pule‘anga, He ‘oku ne tuku ki hotau lalo va‘e ha ngaahi fa‘ahinga.

⁴‘Oku ne fili ke ‘otautolu pē ‘a e tofi‘a ni, ‘A e pule‘anga ni ‘o Sēkope — he‘ene pele ‘aki. (Sila)

⁵Kuo hā‘ele hake ‘a e ‘Otua mo e hiki tuē, ‘Io, ‘a Sihova mo e ifi talupite.

⁶Hiva fakamālō ki he ‘Otua, hiva fakamālō; Hiva fakamālō ki hotau tu‘i, hiva fakamālō.

⁷He ko e ‘Otua ko e tu‘i fakaleveleva ‘o māmani: Fa‘u hiva fungani, ‘o hiva ki ai.

⁸Kuo tu‘i ‘a e ‘Otua ki he ngaahi pule‘anga: Kuo ‘afio ‘a e ‘Otua ‘i hono taloni tāpuhā.

⁹Ko e hou‘eiki ‘o e ngaahi kakai kuo fakataha mai ē ke hoko ko e kakai[56] ‘a e ‘Otua ‘o ‘Epalahame: Seuke ko e ngaahi fakaū ‘o māmani ‘oku ‘a e ‘Otua; Kuo mahiki ia ke fu‘u mā‘olunga.