Read KO E TOH TAPU KATOA TONGA KO E SAAME 5 Bible Online

KO E SAAME 5 - KO E TOH TAPU KATOA TONGA bible

KO E SAAME 5

¹(Ki he Pule ‘o e Hiva. Ke fai mo e ngaahi mimiha. Ko e Saame ‘a Tēvita.) Hāngai fofonga, ‘Eiki, ki he ngaahi lea ni ‘a‘aku; Tokanga‘i ‘eku muhumuhu.

²Ofe‘i ho fofonga ki he le‘o ‘o ‘eku tautapa, ‘E hoku Tu‘i mo hoku ‘Otua; He ‘oku ou hū ki he ‘Afiona.

³‘Eiki, te ke fanongo ki hoku le‘o ‘i he pongipongi; Pongipongi te u fokotu‘u atu ia[5] mo talitali.

⁴He tala‘ehai ko e ‘Otua koe ‘oku ke manako ki he angahala; ‘E ‘ikai ‘āunofo ha kovi ki he ‘Afiona.

⁵‘E ‘ikai matu‘u ‘a e kau sesele ‘i ho ‘ao; ‘Oku ke fehi‘a ki he kau maumau lao.

⁶Ko kinautolu ‘oku lea loi ‘oku ke faka‘auha; ‘Oku fakalili‘a ‘e Sihova ki he tangata fakapō mo kākā.

⁷Ka ko au — ‘i he lahi ‘o ho‘o ‘alo‘ofa te u hū ki ho fale; Te u punou ‘o hanga ki ho temipale tapu ‘i he manavahē.

⁸‘E Sihova tataki au ‘i ho‘o totonu, Koe‘uhi ko e kakai ‘oku tokamalumu kiate au, Fakatokalelei ‘i hoku ‘ao ‘a e hala ‘o‘ou.

⁹He ‘oku ‘ikai ha me‘a ‘i honau ngutu ‘e pau: Ko honau loto ko e vanu; Ko honau kia ko e fonualoto kuo to‘o, Ka nau ‘ai ke molemole honau ‘elelo.

¹⁰‘E ‘Otua, ke ke fakahalaia kinautolu; Tuku ke nau hinga ‘i he‘enau ngaahi fakakaukau: Teke‘i kinautolu ‘i he lahi ‘o ‘enau faihala, He kuo nau angatu‘u ki he ‘Afiona.

¹¹Ka, ke fiefia ‘a kinautolu kotoa Kuo hūfanga ki he ‘Afiona; Ke nau mavava ‘o lauikuonga: ‘Io, ke taukapo‘i kinautolu ‘e he ‘Afiona, Pea ke viki ‘iate koe ‘a e kau ‘ofa ki ho huafa.

¹²He ko koe, ‘Eiki, ‘oku ke tāpuaki‘i ‘a e angatonu, ‘Oku ke kāpui ‘aki ho‘o ‘ofa ‘o hangē ha fu‘u fakaū.