Read KO E TOH TAPU KATOA TONGA KO E SAAME 54 Bible Online

KO E SAAME 54 - KO E TOH TAPU KATOA TONGA bible

KO E SAAME 54

¹(Ki he Pule ‘o e Hiva. Ke fai mo e ngaahi me‘a helefilo. Ko e Hiva-ako ‘a Tēvita. Ko e taimi na‘e ‘alu hake ai ‘a e kau Sifi, ‘o nau pehē kia Saula, “Ikai ‘oku toi ‘a Tēvita ‘i homau feitu‘u?”) ELOHIMI, ke ke fakamo‘ui au ‘o taau mo ho huafa, Pea fakamaau ‘eku me‘a ‘o taau mo ho to‘a.

²‘Elohimi, fanongo ki he‘eku lotu; Ofe‘i ho fofonga ki he lea ‘a hoku ngutu.

³He kuo tu‘u kiate au ha fanga muli, Pea ko e kau fakamālohi kuo tuli ki he‘eku mo‘ui; Kuo ‘ikai te nau tuku ‘i honau ‘ao ‘a ‘Elohimi. (Sila)

⁴Vakai, ko ‘Elohimi hoku tokoni; Ko ‘Ātonai ko e pāletu‘a ‘o ‘eku mo‘ui.

⁵Te ne fakafoki ki hoku ngaahi fili ‘enau kovi: ‘Ē, faka‘auha kinautolu ‘o taau mo ho‘o mo‘oni.

⁶Te u fai fiefai ha feilaulau ki he ‘Afiona: Te u fakafeta‘i ki ho huafa, ‘e Sihova; he ‘oku lelei ia.

⁷He kuo ne hamusi au mei he kotoa ‘o ‘eku mamahi; Pea ko e sioa ‘e hoku mata ‘a hoku ngaahi fili.