Read KO E TOH TAPU KATOA TONGA KO E SAAME 60 Bible Online

KO E SAAME 60 - KO E TOH TAPU KATOA TONGA bible

KO E SAAME 60

¹(Ki he Pule ‘o e Hiva. Ki he fasi ko “Lile fakamo‘oni.” Ko e Sāme-Koula ‘a Tēvita ki he ako. Fe‘unga mo ‘ene fekuki mo Sīlia-Mesopotēmia, pea mo Sīlia-Sopa, pea foki ‘a Sioape ‘o taa‘i ‘a ‘Ītomi ‘i Tele‘a Māsima, ko e toko taha mano mā ua afe.) ‘E ‘OTUA, kuo ke li‘aki kimautolu, kuo ke ‘ai ke mau havehave; Kuo ke houhau mai; ‘ē, ‘ai ke mau mānava hake.[70]

²Na‘a ke tuku ‘a e fonua ke ngalulu; na‘a ke ‘ai ke mafahi: Fakama‘opo hono ngaahi mafahi, he na‘e fengatāliaki.

³Kuo ke tuku ho‘o kakai ke ‘ilo me‘a fefeka: Kuo ke fakainu kimautolu ‘aki ha uaine ‘a ia ko e koto tāsipa.

⁴Kuo ke ‘ange ki ho kakai lotu ha fuka, Ke nau hola tokua mei he kaufana![71] (Sila)

⁵Koe‘uhi ko ho‘o pele ke hamusi, Fakato‘omata‘u mai ho‘o fakamo‘ui, Pea tali kimautolu ni.

⁶‘Oku ai ha folofola ‘a ‘Elohimi, Na‘e fai‘aki ‘ene mā‘oni‘oni, ‘Āua, te u fakamofuta mu‘a: Ko Sīkemi te u vetea, Pea ko e tele‘a ‘o Sūkoti te u tufa.

⁷‘Oku ‘o‘oku ‘a Kiliati ē, Pea ‘o‘oku mo Manase; Pea ko ‘Ifalemi ko e tauhi hoku ‘ulu ia; Ko Siuta hoku sēpita.

⁸Ko Moape hoku ipu kaukau‘anga; Ko ‘Ītomi te u lī ki ai hoku teka: Pe‘i fākaulu mai ‘a Filisitia.

⁹Ko hai ‘e taki au ki he kolo ‘aa‘i? Ko hai na‘e ‘ave au ki ‘Ītomi?

¹⁰‘Ikai ko koe, ‘Elohimi, ne ke li‘aki kimautolu? ‘A e ‘Elohimi ‘oku ‘ikai ke hā‘ele mo ‘emau ngaahi kongakau.

¹¹‘Omi tokoni mo tali ‘a e fili: He ko e tokoni ‘a e tangata ko e koto nge‘esi

¹²Te tau fai fita ‘ia ‘Elohimi: He ko ia ia te ne malaki hotau ngaahi fili.