Read KO E TOH TAPU KATOA TONGA KO E SAAME 66 Bible Online

KO E SAAME 66 - KO E TOH TAPU KATOA TONGA bible

KO E SAAME 66

¹(Ki he Pule ‘o e Hiva. Ko e Hiva-Saame.) MAVAVA ki he ‘Otua, ‘a Maama kātoa:

²Hiva‘aki ‘a e ongoongo ‘o hono hingoa: Fakalāngilangi‘i hono fakamālooa.

³Fakatau folofola kia ‘Elohimi, ‘o pehē, Hono ‘ikai ngei ho‘o ngaahi ngāue! Ko e me‘a ‘i he lahi ‘o ho ivi ‘E fakavaivai kiate koe ‘e ho ngaahi fili.

⁴‘E punou kiate koe ‘a māmani kotoa, Pea te nau hiva ki he ‘Afiona: Te nau hiva‘aki ho hingoa. (Sila)

⁵Mou omi ‘o vakai ‘a e ngaahi ngāue ‘a e ‘Otua; ‘Oku fakailifia ‘ene tō‘onga ki he hako ‘o ‘Ātama.

⁶Na‘a ne liliu ‘a e tahi ko e kelekele: ‘I he vaitafe na‘a nau ‘alu ‘aki honau va‘e; Tau viki kiate ia ‘i he potu ko ē.

⁷He pule ta‘engata ia ‘i he‘ene māfimafi; Ko hono ongo fo‘i fofonga ‘oku na vakai‘i ‘a e ngaahi kakai: Ko e me‘a ki he kau angatu‘u, Ke ‘oua te nau hiki honau ‘ulu. (Sila)

⁸Mou fakafeta‘i ki homau ‘Otua, ‘a e ngaahi kakai na, Pea ‘ai ke maongo ‘a e le‘o ‘oku fakamālō kiate ia:

⁹‘A ia ‘oku ta‘ofi ki he mo‘ui hotau laumālie, ‘O ‘ikai te ne tuku homau va‘e ke ngāue.

¹⁰He kuo ke ‘ahi‘ahi‘i kimautolu, ‘e ‘Otua: Kuo ke sivi kimautolu ‘o hangē ko e sivi ‘o e siliva.

¹¹Na‘a ke fakahū kimautolu ki he kupenga: Na‘a ke ‘ai ki homau tu‘a ha fu‘u kavenga.

¹²Na‘a ke tuku ha kakai ke fakateka atu ‘Enau sāliote ‘i homau funga ‘ulu; Na‘a mau ‘alu ‘i he afi mo e vai: Ka na‘a ke fakahao mai kimautolu ki he potu mahu lahi.[74]

¹³Te u hū ki ho fale mo e ngaahi feilaulau tutu, Te u fai kiate koe ‘eku tukumo‘ui.

¹⁴‘A ia na‘e pu‘aki ‘e hoku loungutu, ‘O lea‘aki ‘e hoku ngutu ‘i he falala mai ‘a e mamahi.

¹⁵Te u kumi manu ngako ki he feilaulau tutu, ‘O ‘oatu mo e kohu ‘o e fanga sipi tangata: Te u fai‘aki ‘a e fanga pulu, ‘O ‘ai moni kosi tangata. (Sila)

¹⁶Ha‘u ‘o fanongo, ‘a e kau ‘apasia kia ‘Elohimi, Ka u ‘a‘au ‘a e ngaahi me‘a kuo ne fai ma‘a hoku laumālie ni.

¹⁷Ko ia ia na‘e tautapa ki ai hoku le‘o, Pea ko hono fakamālō na‘e nofo ‘i hoku lalo ‘elelo.

¹⁸Ka ne u mo‘usioa ha kovi ‘i hoku ‘atamai, ‘E ‘ikai ongo‘i au ‘e ‘Ātonai.

¹⁹Ka ko eni kuo ongo‘i ‘e he ‘Otua; Kuo ne fofonga ki he le‘o ‘o ‘eku hūfia.

²⁰Mālō mu‘a mo e ‘Otua, ‘a ia na‘e ‘ikai te ne ta‘ofia ‘a e lotu na‘a ku fai ki he ‘Afiona, Pe ko e ō mo au ‘a ‘ene ‘alo‘ofa.