Read KO E TOH TAPU KATOA TONGA KO E SAAME 67 Bible Online

KO E SAAME 67 - KO E TOH TAPU KATOA TONGA bible

KO E SAAME 67

¹(Ki he Pule ‘o e Hiva. Ke fai mo e ngaahi me‘a helefilo. Ko e Saame hiva.) KE ‘alo‘ofa mai ‘a e ‘Otua, ‘o fai homau tāpuekina; Pea fakaulo mai hono fofonga ‘i homau lotolotonga: (Sila)

²Kae ‘ilo ho hala ‘e māmani, Mo ho‘o fakamo‘ui ‘i he lotolotonga ‘o e ngaahi kakai.

³Ke fakamālō ‘a e kakai kiate koe, ‘Elohimi, ‘Io, ke fakamālō kotoa kiate koe ‘e he ngaahi kakai.

⁴‘Ē, ke fiefia ‘a e ngaahi pule‘anga mo hākailangitau: He te ke fakamaau ‘a e ngaahi kakai ‘i he totonu, Pea ko e ngaahi kakai ‘o māmani, te ke taki kinautolu. (Sila)

⁵Ke fakamālō ‘a e ngaahi kakai kiate koe, ‘Elohimi; ‘Io, ke fakamālō kotoa kiate koe ‘e he ngaahi kakai.

⁶Kuo foaki ‘e he kelekele hono fua: ‘E tāpuaki‘i kitautolu ‘e ‘Elohimi ko hotau ‘Otua.

⁷‘E tāpuaki‘i kitautolu ‘e ‘Elohimi, Pea ‘e ‘apasia kiate ia ‘a e ngaahi ngata‘anga ‘o māmani.