Read KO E TOH TAPU KATOA TONGA KO E SAAME 96 Bible Online

KO E SAAME 96 - KO E TOH TAPU KATOA TONGA bible

KO E SAAME 96

¹(1 Kal 16.23-33) HIVA kia Sihova ‘aki ‘a e hiva fo‘ou Hiva kia Sihova, ‘a māmani kotoa.

²Hiva kia Sihova, fakamālō‘ia hono huafa; ‘O ongoongo ‘ene fakamo‘ui ‘i he ‘aho kotoa.

³‘A‘au ki he ngaahi pule‘anga hono kolōlia, ‘Ene ngaahi ngāue fakaofo ‘i he ngaahi fa‘ahinga kotoa.

⁴He ‘oku lahi ‘a Sihova, pea ‘oku totonu ke lahi hono fakamālō‘ia; ‘Oku hulu hono ngeia ‘i he ngaahi ‘otua kotoa.

⁵He ko e ‘aitoli[120] Ka na‘e ngaohi ‘a e langi ‘e Sihova.

⁶Ko e ngeia mo e lāngilangi ‘oku fe‘ao mo ia: Ko e ivi mo e toulekeleka ‘oku ‘i hono faletapu na.

⁷Tuku kia Sihova, ‘a e ngaahi fāmili ‘o e ngaahi fa‘ahinga, Tuku kia Sihova ‘a e kolōlia mo e mālohinga.

⁸Tuku kia Sihova ‘a e kolōlia hono huafa: To‘o me‘a‘ofa, ‘o hū ki hono ngaahi loto‘ā.

⁹Hū kia Sihova ‘i he teunga tāpuhā:[121] Tete ‘i hono ‘ao, ‘a e fonua kotoa.

¹⁰Lea ki he ngaahi fa‘ahinga, Kuo tu‘i ‘a Sihova: Tā kuo fokotu‘u ‘a māmani, ‘o ta‘emauea: Te ne fakamaau totonu ‘a e ngaahi fa‘ahinga.

¹¹Ke fiefia ‘a e langi, pea tome‘e ‘a e fonua; Ke ‘u‘ulu ‘a e tahi mo hono fu‘u fonu na.

¹²Pātapata ‘a e toafa mo hono me‘a kotoa; Toki fai ‘e he ‘akau kotoa ‘o e lala ‘enau fu‘u mavava;

¹³‘I he ‘ao ‘o Sihova, he ‘oku ne ha‘u na; He ‘oku ne ha‘u na ke fakamaau ‘a e fonua: Te ne fai ki he totonu ‘ene fakamaau ‘a māmani, Pea te ne fai ki he ngaahi fa‘ahinga ‘o taau mo ‘ene mo‘oni.