Read KO E TOH TAPU KATOA TONGA KO E SAAME 98 Bible Online

KO E SAAME 98 - KO E TOH TAPU KATOA TONGA bible

KO E SAAME 98

¹(Ko e Saame) Hiva kia Sihova ‘aki ‘a e hiva fo‘ou ē; He ko e koto fakaofo ‘ene ngāue; Ko hono to‘ukupu to‘omata‘u mo hono nima tāpuhā, Kuo ne ma‘u ‘a e fakamo‘ui ma‘ana.

²Kuo fakae‘a ‘e Sihova ‘ene fakamo‘ui: Kuo ne tatala ‘ene faitotonu ‘i he ‘ao ‘o e ngaahi kakai.

³Kuo ne manatu ke fai ki he fale ‘o ‘Isileli ‘a e meesi mo e fakamo‘oni lea; Kuo mamata ‘e he ngaahi ngata‘anga ‘o māmani ki he fakamo‘ui ‘a hotau ‘Otua.

⁴Mavava kia Sihova, ‘a māmani kotoa: Ha‘aki mai, ‘o hiva fiefia mo tā.

⁵Tā kia Sihova ‘aki ‘a e ha‘ape; Fai ‘aki ‘a e ha‘ape mo e lea ‘o e saame.

⁶Fai ‘aki ‘a e ngaahi talupite mo e le‘o ‘o e koaneti, Mavava he ‘ao ‘o Sihova, ko e Tu‘i.

⁷Ke ‘u‘ulu ‘a e tahi mo hono fu‘u fonu na; ‘A māmani mo hono kau nofo‘anga.

⁸‘a e ngaahi vaitafe ke nau pasipasi nima; ‘A e ngaahi mo‘unga ke nau hiva fakataha;

⁹‘I he ‘ao ‘o Sihova, he ‘oku ne ha‘u na Ke fakamaau ‘a e fonua: Te ne fai ki he totonu ‘ene fakamaau ‘a māmani, Pea te ne fai ki he ngaahi fa‘ahinga, ‘o ‘ikai piko‘i.