Read KO E TOH TAPU KATOA TONGA KO E SAAME 99 Bible Online

KO E SAAME 99 - KO E TOH TAPU KATOA TONGA bible

KO E SAAME 99

¹KUO Tu‘i ‘a Sihova; ‘oku tete ‘a e ngaahi fa‘ahinga.[124] ‘Oku ne ‘afioa ‘a e ongo Selupimi; ‘oku ngalulululu ‘a e fonua.

²Ko Sihova ‘i Saione ‘oku mā‘olunga; Pea ko e fotu ia ‘i he ngaahi kakai kotoa.

³Ke nau fakamālō‘ia ho huafa lahi mo ngeia: Ko e tāpuhā Ia.

⁴Pea ke nau fakamālō‘ia ‘a e ivi ‘o e tu‘i ‘oku manako[125] ki he fakakonisitūtone; ‘A e ‘Afiona kuo ke fokotu‘u ‘a e ta‘epapae, ‘A e ‘Afiona kuo ke fai ‘a e fakakonisitūtone mo e totonu ‘i ha‘a Sēkope.

⁵Mou fakahīkihiki‘i ‘a Sihova ko hotau ‘Otua, Pea punou ‘i hono tu‘unga to‘ukupu kelekelea: Ko e tāpuhā Ia.

⁶Ko Mōsese mo ‘Ēlone ena, Na‘e kau ki ha‘a Taula‘eiki kinaua; Lau foki mo Sāmiuela, Ko e taha ia he kau tautapa ki hono huafa: Na‘e tautapa kia Sihova ‘a kinautolu, Pea tali ‘e ia ‘enau lotu.

⁷Ko e pou ‘ao na‘a ne folofola mei ai kiate kinautolu: Na‘a nau tauhi ‘a e ngaahi fakamo‘oni, mo e fekau na‘a ne ‘atu.

⁸‘E Sihova ko hotau ‘Otua, na‘a ke tali kinautolu ‘e koe: Na‘a ke fakafeangai kiate kinautolu ko e ‘Otua fakamolemole, Ka ko ‘enau ngaahi fai‘anga na‘a ke ‘eke.

⁹Fakahīkihiki‘i ‘a Sihova, ko hotau ‘Otua, Pea punou ‘i hono mo‘unga tapu na;[126] He ko Sihova ko hotau ‘Otua Ko e tāpuhā Ia.