Read KO E TOH TAPU KATOA TONGA PALŌVEPI 12 Bible Online

PALŌVEPI 12 - KO E TOH TAPU KATOA TONGA bible

PALŌVEPI 12

¹KO ia ‘oku manako ki he poto ‘oku ne manako ki he ako fakapoto: Ka ko ia ‘oku fehi‘a ki he valoki ko e fakamanu ia.

²Ko e tangata lelei ‘oku ne touia he ‘ofa mamana ‘a Sihova: Ka ko e tangata puleaki, ‘e fakahalaia ‘e He‘ene ‘Afio.

³‘E ‘ikai kau ‘a e angahala ‘a ha tangata ke ne matu‘u ai: Ka ko e aka ‘o e faitotonu ‘e ta‘emaue‘i.

⁴Ko e uaifi fita ko e kalauni ki hono husepāniti: Ka ko e uaifi fakafofongavale‘i ko e popo ‘oku totolo ‘i hoto ngaahi hui.

⁵Ko e ngaahi fakakaukau ‘a e faitotonu ‘oku hoa mo e lao: Ka ko e ngaahi fifili ‘a e angahala ko e koto fiemu‘a pē.

⁶Ko e ngaahi lea ‘a e angahala ‘oku toka tata‘o ke fai ha fakapō: Ka ko e me‘a ‘oku pu‘aki ‘e he angatonu, ‘e kau ke fakahaofi.

⁷‘Oku mafuli ‘a e angahala, pea talu ai pē. Ka ko e fale ‘o e faitotonu ‘e tu‘u.

⁸‘E fakamāloo‘i ha tangata ‘o fakatatau ki he maama ‘o hono ‘atamai: Ka ko e loto piko ko hono ō ē ko e manukia.

⁹‘Oku lelei ha taha mā‘ulalo, ka ‘oku ai ‘ene taha ngāue, ‘Ia Me‘a ‘oku ne taku ko e ‘eiki, ka ‘oku masiva me‘atokoni.

¹⁰‘Oku ongo‘i ‘e he faitotonu ‘a e loto ‘o ‘ene manu: Kae ngaue ‘a e fatu ‘o e angahala ko e fie sio mamahi.

¹¹Ko ia ‘oku ngoue‘i hono kelekele ‘e mohu me‘akai: Ka ko ia ‘oku tuli ai pē ki he muna, ko e taha masiva loto.

¹²‘Oku mānumanu ‘a e angahala ki he ‘a‘alu ‘a e kakai kovi: Ka ko e aka ‘o e faitotonu ‘oku laku atu pē.[15]

¹³‘I he faihala ‘a e ngutu ‘oku ai ha hele kovi: Kae hao ‘a e faitotonu mei he ‘efihia.

¹⁴Ko e fua ‘o e lea ‘a ha matāpule ‘a ia ‘oku ne topono ai ‘i he lelei: Pea ko e fita‘a ‘o e nima ‘o ha tangata, ‘oku fakafoki kiate ia.

¹⁵Ko e ‘alunga ‘o Vale ‘oku totonu ‘i he‘ene vakai ‘a‘ana: Ka ‘oku tali fale‘i ‘a e tama poto.

¹⁶Ka ‘itengia ha vale, te ne tuku ke hā leva ‘ene mamahi. Ka ko e tama ula te ne fufū hono ngaohikovia.

¹⁷Ko ia ‘oku ne hō‘aki ‘a e mo‘oni te ne ‘a‘au ‘a e totonu: Ka ko ia ‘oku fakamo‘oni loi, ‘oku ne ‘a‘au ‘a e kākā.

¹⁸‘Oku ai ha taha ko ‘ene fa‘a lau ‘oku hangē ko e hokohoka‘i ha heletā: Ka ko e ‘elelo ‘o e poto ko e me‘a faito‘o.

¹⁹Ko e tu‘u ‘a e ngutu lea mo‘oni ‘e ta‘engata: Ka ko e ‘elelo loi ‘e ‘oua pē ke u kemo

²⁰Ko e kākā: ‘oku ‘i he loto ‘o ia ‘oku fili ha kovi ke fai ki ha taha, Ka ko e fiefia ‘oku ‘iate ia ‘oku tu‘utu‘uni ke fai ha ‘ofa.

²¹‘Oku ‘ikai tō ki he faitotonu ha momo‘i tu‘utāmaki: Ka ko e kau angahala ‘oku fonu ‘i he kovi.

²²Ko e ngutu loi ‘oku fakalili‘a ki ai ‘a Sihova: Ka ‘ilonga ha fai mo‘oni ko hono mamana ia.

²³Ko e tama ula ‘oku ne kofukofu ‘ene poto: Ka ko e loto sesele ‘oku vale ‘a‘au.

²⁴Ko e nima tutui ‘e pule: Ka ko e nima fakapikopiko ‘e tali fatongia.

²⁵Ka hū ‘a e hoha‘a ki he loto ‘o ha tangata, ‘oku ne peluki‘i ia: Ka ‘oku fakafiefia‘i ‘e ha lea lelei.

²⁶‘Oku hoko ‘a e faitotonu ko e takimu‘a ki he kakai ‘oku nau feangai: Ka ko e ‘alunga ‘o e angahala ko e me‘a fakahē.

²⁷Ko e fakapikopiko ‘e ‘ikai te ne tunu ‘ene a‘alu: Ka ko e koloa mahu‘inga ki ha tangata ‘a e anga vivili.[16]

²⁸‘Oku nofo ‘i he hala ‘o e faitotonu ‘a e mo‘ui: Pea ko e fou atu ‘i he ‘alunga ko ia ‘oku ‘ikai ha mate.[17]