Read KO E TOH TAPU KATOA TONGA PALŌVEPI 13 Bible Online

PALŌVEPI 13 - KO E TOH TAPU KATOA TONGA bible

PALŌVEPI 13

¹KO E tama poto ‘oku ne tokanga ki he akonaki fakapoto ‘a ‘ene tamai; Ka ko e tama kakae ‘oku ‘ikai te ne tokanga ki he valoki ‘oku fai.

²Ko e fua ‘o e lea ‘a ha matāpule ‘a ia ‘oku ne kai me‘a lelei ai ‘e ia; Kae kai fakamālohi ‘e he uho ‘o e kākā.

³Ko ia ‘oku ne lama hono ngutu ‘oku ne malu‘i ‘ene mo‘ui: Ka ko e ngutu mafa‘a ko e tu‘utāmaki‘anga kia kita.

⁴Ko e koto holinoa ‘a e mo‘ui ‘a e makau: Ka ko e mo‘ui ‘a e nima tutui ‘oku nge‘enge‘e.

⁵‘Oku fehi‘a ‘a e faitotonu ki he lea loi; Kae fai ‘e Angahala ‘ene fakamaa‘i mo fakaongokovi.

⁶Ko e faitotonu ‘oku ne malu‘i ‘a e laka haohaoa. Ka ko e faikovi ‘oku ne fulihi ‘a e laka hala.

⁷‘Oku ai ha taha ‘oku taku ko e koloa‘ia, Ka ‘oku hala ‘atā: ‘Oku ai ha taha ‘oku taku ko e masiva, Ka ‘oku lahi ‘ene koloa.

⁸‘Oku pu‘ia ‘a e matāpule ko ē ke ‘omi ‘ene koloa ko e tongi mo‘ui: Ka ko si‘i masiva ‘oku ‘ikai ongo mai ki ai ha me‘a pehē.

⁹Ko e maama-la‘ā ‘a e faitotonu ‘oku ulo fiefie ulo: Ka ko e maama-tutu ‘a e angahala ‘oku me‘a mo mate.

¹⁰Ko e fielahi ko hono fua ko e kē pē: Ka ko e fua ‘oku ma‘u ‘e he kau tali fale‘i ko e poto.

¹¹Ko e koloa ‘oku ma‘u mei he ‘ata‘i muna ‘oku mingi ai pē: Ka ko ia ‘oku fakalahi koloa ‘aki ‘ene ala, ‘e tupu pē.

¹²Ko e ‘amanaki fuoloa ‘oku fakatutue loto: Ka ko e holi kuo lava, ko e ‘akau ‘o e mo‘ui tofu pē.

¹³Ko ia ‘oku ta‘etoka‘i ha folofola, ka ‘oku ne mo‘uha‘ia ai. Ka ko ia ‘oku ‘apasia ki he fekau, ko ia ‘e ma‘u totongi.

¹⁴Ko e akonaki ‘a e punake ko e fauniteni ‘o e mo‘ui: Ke te hao ai mei he ngaahi tauhele ‘a mate.

¹⁵Ko e poto ‘ilonga ‘oku ne fakatupu ‘ofeina: Ka ko e hala ‘o e kovi ‘i loto ko e koto ngaoha‘a.[18]

¹⁶‘Ilonga ha fakapoto ‘oku ne ngāue atu, ko e poto ai pē: Ka ko e sesele ‘oku ne folahi ‘ene vale.

¹⁷Ko e talafekau angahala ‘oku ne tō ki ha tu‘utāmaki: Ka ko e talafekau tōnunga ko e vai kau‘aki.

¹⁸Ko e masiva mo e mā ko e ‘inasi ia ‘o e toko taha ‘oku teke‘i akonaki: Ka ko ia ‘oku tokanga ki he fakapoto ‘e fakahīkihiki‘i.

¹⁹Ko e holi kuo lava ‘oku melie kia kita; Ko ia, ‘oku fehi‘a ‘a e kau sesele ke afe mei he kovi.

²⁰Ko ia ‘oku fafale ki he kau poto, te ne hoko ko e poto: Ka ko ia ‘oku kaume‘a mo e sesele ‘e hoko ko e lusa.

²¹‘Oku tuli ‘a e kovi ki he kau angahala: Ka ko e lelei ‘a e totongi ‘a e faitotonu.

²²Ko e tangata lelei ‘oku a‘u ‘ene tuku koloa ki he makapuna: Pea ko e koloa ‘a e angahala ‘oku tuku tauhi ma‘a e faitotonu.

²³‘Oku lahi ‘a e me‘akai ‘i he kelekele fo‘ou ‘o e masiva: Ka ‘oku ai ha me‘a ‘oku mole ko e ta‘efai ki he konisitūtone.[19]

²⁴Ko ia ‘oku ne angakovi‘i ‘a e me‘a kinisi, ‘oku ne fehi‘a ki he‘ene tamasi‘i: Ka ko ia ‘oku ne ‘ofa ki ai ‘oku ne tautea kei si‘i.

²⁵Ko e faitotonu ‘oku ne kai ke topono hono loto: Ka ko e kete ‘o e angahala ‘e ‘alefa.