Read KO E TOH TAPU KATOA TONGA PALŌVEPI 16 Bible Online

PALŌVEPI 16 - KO E TOH TAPU KATOA TONGA bible

PALŌVEPI 16

¹KO hono teuteu ‘i he loto ‘oku ‘a e tangata: Ka ko hono ‘atu ‘e he ‘elelo ‘oku meia Sihova ia.[29]

²Ko e ‘alunga kotoa ‘o e tangata ‘oku tafesino‘ivai ‘i he‘ene vakai ‘a‘ana: Ka ‘oku hanga ‘a Sihova, ‘o fua ‘a e ngaahi laumālie.

³Tekaki kia Sihova ‘a e ngaahi me‘a ‘oku ke fai: Pea ‘e fakaai ho‘o ngaahi fakakaukau.

⁴Kuo ngaohi ‘e Sihova ‘a e me‘a kotoa pē ke hoa mo hono nafa.[30] ‘Io, ko e kau angahala foki ki he ‘aho ‘o e kovi.

⁵‘Oku fakalili‘a ‘a Sihova kiate kinautolu fua pē ‘oku loto ‘afungi: Kuo mole ha taimi mo ha taimi kae ‘ikai ‘alu ta‘etautea.

⁶‘I he ‘ofa mo e fai tōnunga ‘oku ai ha fakamolemole ‘o e angahala: Pea ‘i he ‘apasia kia Sihova ‘oku ai ha hao mei he kovi.

⁷Ka hōifua kia Sihova ‘a e ngaahi ‘alunga ‘o ha tangata: Na‘a mo hono ngaahi fili ‘oku Ne[31] ‘ai ke nau melino mo ia.

⁸‘Oku lelei ha ki‘i me‘a ‘oku ma‘u totonu: ‘I he hū mai ha fu‘u me‘a ta‘ehoa mo e konisitūtone.

⁹Ko e loto ‘o e tangata ‘oku ne sivi ‘a e hala te ne fou ai: Ka ko Sihova ‘oku ne faka‘uli ‘ene ‘alu.

¹⁰Ko e me‘a ‘oku tō mei he fofonga ‘o e tu‘i ko e folofola: Ka fai ‘e ia ha fakamaau, ‘oku ‘ikai totonu ke fakamanimo ha‘ana lea.

¹¹Ko e me‘a fua puaka mo e me‘a fua lafalafa, Kapau ‘oku na fai ki he lao ko e me‘a ‘a Sihova ia: Ko e me‘a fakamamafa kotoa ‘i he kato ko ‘ene ngāue.

¹²Ko e me‘a ke fakalili‘a ki ai ‘a e ngaahi tu‘i[32] ko e angahala: He ko e faitotonu ‘oku ma‘uma‘uluta ai ‘a e taloni.[33]

¹³Ko e mamana ‘o e ngaahi tu‘i ko e ngutu mā‘oni‘oni: Pea ‘oku ‘ofeina ‘a ia ‘oku lea totonu.

¹⁴Ko e houhau ‘a e tu‘i ‘oku hangē ko e taufetuli mai ‘a e tala mate: Ka ko e tangata poto te ne fakamokomoko ia.

¹⁵Ko e fofonga malimali mai ‘a e tu‘i ko e koto mo‘ui ia: Pea ko ‘ene hōifua mai ‘oku hangē ko e tō ‘a e ‘ao fakalave ki he ta‘u.

¹⁶Ko e ma‘u mai ha poto, hono ‘ikai ngutuhua ange ia ‘i he ma‘u ha koula? Pea ko e a‘usia ‘a e ‘ilo ko e me‘a ke te fili mu‘a ki ai ‘i he siliva?

¹⁷Ko e hala pule‘anga ‘o e kakai totonu ko e faka‘ehi‘ehi mei he kovi: Ko ia ‘oku lama hono hala ‘oku ne malu‘i ‘ene mo‘ui.

¹⁸Ko e fie‘eiki ko e fakamelomelo ‘o e have‘i: Pea ko e anga hiki ko e fakamelomelo ‘o e hinga.

¹⁹‘Oku ngutuhua ange ke te anga malū, ‘o nofo mo e kau mā‘ulalo, ‘I ha‘ate tufa vete ‘i he ha‘oha‘onga ‘o e kau fielahi.[34]

²⁰Ko ia ‘oku ne tokanga ki he folofola te ne ‘ilo ha lelei: Pea ko ia ‘oku falala kia Sihova ko e toki monū‘ia ia.

²¹‘E ui ai pē ko e poto ‘a e tangata ‘oku ‘ilo me‘a ‘e hono ‘atamai: Ka ‘oku toka‘i ‘a e me‘a ‘oku te ma‘u ko e lea lelei.

²²Ko e ‘ilome‘a ko e fauniteni ‘o e mo‘ui kiate ia ‘oku ne ma‘u; Ka ko e tautea ‘o e vale ko ‘enau vale.

²³Ko e ‘atamai ‘o e poto ‘oku ne fakapoto hono ngutu: Pea ko e me‘a ‘oku ne ma‘u ‘e a‘u ki hono loungutu.

²⁴Ko e ngaahi lea ‘ofa koni honi tafe: ‘Oku melie ki he loto, pea ko e faito‘o ki hoto ngaahi hui.

²⁵‘Oku ai ha hala ‘oku hā matamata totonu ki ha tangata, Ka ‘oku tū‘ulu atu ki he ngaahi hala ‘oku fakatau ki he mate.

²⁶Ko e fiekaia ‘a e tangata ngāue ‘oku tokoni ki he‘ene ngāue: He ‘oku mateka atu ia ‘e hono ngutu.

²⁷Ko e tangata faka-Pileali ‘oku ne keli ha kovi: Pea hangē ‘oku ai ha afi kakaha ‘i hono loungutu.

²⁸Ko e tangata makaka ‘oku ne humaki atu ni kē: Pea ko e tama ‘ave lau te ne lava ke veteki ha kaume‘a fetohotohoi.

²⁹Ko e tangata anga mālohi ‘oku ne taki hē hono kaungā‘api: ‘O ne ‘ave ia ‘i ha hala ‘oku ‘ikai lelei.

³⁰Ka kakamo hono mata ko ‘ene fakakaukau ha kākā: Ka lalamu hono ngutu kuo ne lava ha kovi.

³¹Ko e ‘uluhinā ko e kalauni matamatalelei ‘Oku ma‘u ‘i he hala ‘o e faitotonu.

³²Ko ia ‘oku fakatotoka ki he ‘ita ‘oku lelei hake ‘i ha fu‘u mafi: Pea ko ia ‘oku pule‘i hono loto ‘i ha taha ‘oku hamu ha kolo.

³³‘Oku ‘ai ‘a e talotalo ki he kona: Ka ko hono tonu ‘oku meia Sihova ‘ata‘atā.