Read KO E TOH TAPU KATOA TONGA PALŌVEPI 18 Bible Online

PALŌVEPI 18 - KO E TOH TAPU KATOA TONGA bible

PALŌVEPI 18

¹KO E tangata mavahe ‘oku ne nofo‘aki kumi ‘a e holi ‘a‘ana: Neongo pe ko e hā ha fale‘i ‘e fai, te ne ina ki ai.

²‘Oku ‘ikai ko e manako ‘a e vale ki he poto mo‘oni, Ka koe‘uhi pē ke fufuke hono ‘atamai.

³Ka ha‘u ‘a e angahala, ‘e ha‘u ai foki ‘a e manukia: Pea ō leva mo e ta‘etoka‘i ‘a e tautekovia.

⁴Ko e ngaahi lea ‘oku tō mei he ngutu ‘o ha tangata ko e vai misiteli pē: Ko e matavai ‘o e poto ko e vaitafe ‘oku mahua atu.

⁵‘Oku ‘ikai lelei ke toka‘i ‘a e fofonga ‘o e angahala; ‘O fakahalaia ‘a e faitotonu ‘i he fakamaau.

⁶Ko e loungutu ‘o e vale ‘oku hanga ‘o kau ‘i he kē, ‘Io, ko hono ngutu ‘oku ne ui mai ‘a e loholoho.

⁷Ko e ngutu ‘o e sesele ko hono tu‘utāmaki ‘anga: Pea ko hono loungutu ko e hele ‘o hono laumālie.

⁸Ko e ngaahi lea ‘a e tama ‘ave lau ‘oku hangē ko e ngaahi ma‘anga ngako, Pea ko e fa‘ahinga ko ia ‘oku ‘alu hifo ki he loto he loto kete.

⁹Tala atu, ko ia ‘oku ngāue fakamu‘omu‘a nima ‘i hono lakanga, Ko e tokoua ia ‘o e tangata ‘oku nofo ki he maumau me‘a.

¹⁰Ko e huafa ‘o Sihova ko e taua mālohi: ‘Oku lele ki ai ‘a e faitotonu ‘o ne malu ai.

¹¹Ko e koloa ‘a e koloa‘ia ko hono kolo mālohi ia; Pea ‘i he‘ene lau ‘a‘ana ko e fu‘u ‘ā mā‘olunga.

¹²‘I he panaki ‘a e have‘i, ‘oku ‘afungi ‘a e loto ‘o e tangata: Pea ko e anga vaivai ko e fakamelomelo ‘o e hākeaki‘i.

¹³Ko ia ‘oku fai ‘ene tali ‘i he te‘eki ke ne fanongo, ‘Oku hoko ko e faka‘ilonga ‘o ‘ene vale mo e me‘a fakamā.

¹⁴Ko e laumālie fakatangata ‘o ha matāpule ‘oku ne matu‘uaki ‘ene mahaki: Ka ko e laumālie maumau ko hai ‘e puke hake ‘a e me‘a fakafāfine ko ia?

¹⁵Ko e loto ‘o e tangata ‘atamai ‘oku ne ma‘u mai ‘a e ‘ilo: Pea ko e telinga ‘o e kau poto ‘oku kumi ai pē ki he ‘ilo.

¹⁶Ko e me‘a‘ofa ‘a e tangata ‘oku faka‘atā hono hala, ‘O taki ia ki he ‘ao ‘o ha‘a mā‘olunga.

¹⁷Ko ia ‘oku fua lea ‘i he fakamaau ‘oku ngali totonu: Ha‘u leva ‘a e taha, ‘o sivi hakili ia.

¹⁸‘Oku fakangata kē ‘e he fai talotalo, ‘O ne vaea ha ongo mafi.

¹⁹Ko e kāinga kuo te hia ki ai, ‘oku faingata‘a ange ‘i ha kolo mālohi,[37] Pea ko e alā kē pehē ‘oku hangē ko e songo ‘o ha palasi.

²⁰Ko e fua ‘o e lea ‘a ha matāpule ‘a ia ‘oku topono ai hono kete; Ko e fua ‘o hono loungutu ‘oku ne mākona ai.

²¹Ko e mate mo e mo‘ui ‘oku puke ‘e he ‘elelo: Pea ko ia ‘oku mamafa ki ai, te ne kai hono fua.

²²Ko ia ‘oku ne ma‘u uaifi, ‘oku ne ma‘u ha monū: Pea kuo ne lave ha ‘ofa meia Sihova.

²³Ko e lea ‘a si‘i masiva ko e koto fakakolekole; Ka ko e koloa‘ia ‘oku ne tali fefeka.

²⁴Ko ia ‘oku tokolahi hono kau fe‘iloaki[38] ko hono ‘ātunga pē ‘ene lusa: Ka ‘oku ai ha ‘ofa‘anga ‘oku ma‘u ange ‘ene piki ‘i hoto mo‘oni.