Read KO E TOH TAPU KATOA TONGA PALŌVEPI 27 Bible Online

PALŌVEPI 27 - KO E TOH TAPU KATOA TONGA bible

PALŌVEPI 27

¹‘OUA te ke pōlepole ha me‘a te ke fai ‘a pongipongi; He ‘oku ‘ikai te ke ‘ilo pe ko e hā ‘e fanau‘i ‘e he ‘aho.

²Tuku ke viki koe ‘e ha taha kehe, ‘O ‘ikai ko ho ngutu ‘o‘ou; ‘E ha sola, ‘o ‘ikai ko ho loungutu ‘o‘ou.

³Mamafa ‘a maka, Mo ‘ikai avangi ‘a ‘one‘one; Ka ko e tafue ‘a e vale ‘oku mamafa ange ‘iate kinaua ‘osi pē.

⁴Ko e tafulu ko e tama fekai, Pea ko e ‘ita ko e vai fā; Ka ko e fua‘a, ‘e matu‘uaki ‘e hai?

⁵‘Oku ngutuhua ange ha valoki ‘oku e‘a, ‘I ha ‘ofa ‘oku fūfūnaki.

⁶Ko e ngaahi kafo mei hoto kaume‘a ko e ‘ofa mo‘oni ia: Ka ko e ngaahi ‘uma ‘a hoto fili ko e fokotu‘uniu pē.

⁷Ko ia kuo mākona, te ne mala ‘i he honi lelei; Ka ko e ‘alefa, ‘oku ‘ikai ha kona ka ‘oku melie kiate ia.

⁸Hangē ha manupuna ‘oku heva ai pē mei hono pununga, ‘Oku pehē ‘a e tangata ‘oku heva mei hono potu totonu.

⁹Ko e tākai mo e fakakakala ko e me‘a fakafiefia ki he loto, Ka ‘oku melie ange ha kaume‘a ‘i he ‘akau nanamu.[53]

¹⁰Ko e kaume‘a ‘o‘ou mo ho‘o tamai, ‘oua ‘e li‘aki; Pea ‘i he taimi ‘o ho‘o tu‘utāmaki, ‘oua ‘e ‘alu ki he fale ‘o ho kāinga: ‘Oku ngutuhua ange ha taha nofo ofi, ‘I ha kāinga ‘oku mama‘o.

¹¹Tama, ke ke hoko ko e poto, kae fiefia hoku loto; Pea ai ‘eku tali ke fai kiate ia ‘oku ngaohi au

¹²Ko e fakapoto — sio ki he kovi — toi: Ko e hehemangofua — laka atu-mo‘ua ai.

¹³To‘o hono kofu, he na‘a ne hoko ko e talifaki ‘o e kehe na;[54] ‘Io, puke ‘a e tangata foki, ko ‘ene talifaki ha fefine muli.

¹⁴Ko ia ‘oku ne langa hengihengi atu, ‘O fai le‘o lahi ‘ene talamonū ki hono kaume‘a, ‘E tatau ki hē mo ha‘ane tala mala.

¹⁵Ko e patatō ma‘u pē ha mata‘i tutulu ‘i ha ‘aho ‘uha, Pea ko e fefine fa‘a kē ‘oku na tatau:

¹⁶Ko ia ‘oku fai ke fakapūlou ia ‘oku ne fakapūlou ‘a e matangi, Pea ‘oku fepaki hono to‘omata‘u mo ha koto lolo pē.[55]

¹⁷‘Oku fakamāsila ‘a e ‘aione ‘aki ‘a e ‘aione: Pehē ‘oku fakamāsila ha tangata he feangai mo ha taha kehe.

¹⁸Ko ia ‘oku ne tauhi ‘a e fu‘u fiki Te ne kai hono fua; Pea ko ia ‘oku ne mamahi‘i hono ‘eiki ‘e fakalāngilangi‘i ia.

¹⁹Hangē ko e ma‘ali mai hoto mata ‘i he‘ete sio ki ha vai, Pehē ‘oku ma‘ali mai hoto loto ‘ete sio ki ha tangata kehe.

²⁰Tala‘ehai ‘oku mākona ‘a Hētesi mo ‘Apatoni; Pehē ‘oku ‘ikai mākona ‘a e mata ‘o e tangata.

²¹Ko e kulo ma‘a e siliva, Pea ko e fōnise ma‘a e koula; Ke pehē ‘a e tangata ki he ngutu ‘o ia ‘oku fakamālō mai.[56]

²²Neongo ho‘o tuki ha vale ‘aki ha hāmala ‘I he kumete fakataha mo e koane, ‘E ‘ikai mahu‘i meiate ia ‘ene vale.

²³Ke ke mātu‘aki tokanga ki he anga ‘o ho‘o fanga sipi mo kosi; Ngāue ho loto ke ai ha monumanu:

²⁴He ‘oku ‘ikai tolonga ‘o ta‘engata ‘a e koloa, Pea he ‘oku a‘u ‘a e kalauni ki he to‘utangata mo e to‘utangata?

²⁵Kuo ‘osi fetuku ‘a e musie tauaki, Pea kuo fisiki mai ‘a e mohuku, Pea kuo fa‘oaki ‘a e me‘akai ‘a manu mei mo‘unga.

²⁶Toki ai ha fanga lami mo‘ao kofu, Pea ma‘u mei he fanga kosi ‘a e totongi ‘o ha tofi‘a;

²⁷Pea lahi ‘a e hu‘a kosi ki ho tauhi, Ke tauhi ‘aki ho fale, pea ke mo‘ui ‘aki ho‘o kau kaunanga.