Read KO E TOH TAPU KATOA TONGA PALŌVEPI 29 Bible Online

PALŌVEPI 29 - KO E TOH TAPU KATOA TONGA bible

PALŌVEPI 29

¹KO E tangata fa‘a valokia ‘oku fakakekeva hono kia, Fokifā ‘oku faka‘auha ‘o ‘ikai hano faito‘o.

²Ka tokolahi ‘a e faitotonu ‘oku fiefia ‘a e kakai: Ka ‘oka pule ‘a e angahala, ‘oku lāunga tu‘u ‘a e kakai.

³Ko e tangata ‘oku ‘ofa ki he poto ko e fiefia‘anga ‘o ‘ene tamai. Ka ko ia ‘oku ō mo e kau pa‘umutu, ‘oku ne maumau koloa.

⁴Ko e tu‘i ‘oku fai fakakonisitūtone ‘Oku ne ngaohi hono fonua ke tu‘u: Ka ko ia ‘oku ne fangani ‘a e tukuhau. ‘Oku ne laiki ia.

⁵Ko e tangata mālohi ‘oku lea fakaoleole ki hono kaungā‘api, Ko ‘ene fola pē ha kupenga ki hono[57] va‘e.

⁶‘I he angahala ‘a e tangata kovi ‘oku ‘i ai ha tauhele: Ka ko e faitotonu ‘oku ne mavava mo fiefia.

⁷‘Oku ongo‘i ‘e he failelei ‘a e totonu ‘a e masiva: Ka ko e tangata angahala, tala‘ehai ‘oku ne maongo.

⁸‘Oku ifi ke ulo ‘a e kolo ‘e he kau siana ta‘e‘apasia; Ka ‘oku ta‘ofi ‘a e ‘ita ‘e he kau poto.

⁹Na‘e tala hopo ha tangata poto ki ha tangata vale; Pea ne lili, pea ne kata, ka na‘e ‘ikai tuku.

¹⁰Ko e kau siana fakapō ‘oku nau fehi‘a ki he haohaoa; Pea ko e me‘a ki he angatonu-‘oku nau kumi ki he[58] mo‘ui ‘a ha taha pehē.

¹¹‘Oku ‘a‘au ki tu‘a ‘e he vale ‘ene ‘ita kotoa: Ka ko e poto ‘oku ne ta‘ofi ha‘ana mei loki, ‘o fakamomoko ki ai.

¹²Ko e pule ‘oku fakaongo ki he lea kākā, ‘Oku angahala kotoa ‘a e kakai ‘oku tauhi kiate ia.

¹³‘Oku femili mo e masiva ‘a e ‘eke toloi mamafa; Ko Sihova ai pē ‘oku ma‘u maama mei ai ‘a e mata ‘o kinaua ‘osi pē.

¹⁴Ko e tu‘i ‘oku fai mo‘oni ‘a e fakamaau ‘o e masiva, Ko hono taloni ‘e tu‘u ‘o ta‘engata

¹⁵Ko e ‘akau mo e valoki ‘oku nau ‘atu poto: Ka ko e tamasi‘i ‘oku tukuange noa ‘oku ne fakamaa‘i ‘ene fa‘ē.

¹⁶Ka fakatokolahi ‘a e angahala, ‘e fakautuutu ‘a e kovi: Ka ‘e sio ‘e he faitotonu ki he‘enau tō.

¹⁷Tautea ho foha, pea te ne hoko ko ho nonga‘anga; ‘Io, te ne taufetuku fiemālie ki ho‘o mo‘ui.

¹⁸‘I he ‘ikai ha palofisai ‘oku ta‘emapule‘i ‘a e kakai: Ka ko ia ‘oku tauhi ‘a e lao, ko e monū‘ia ia.

¹⁹‘Oku ‘ikai matautea ha tamaio‘eiki ‘i ha lea pē: He neongo ‘oku ‘uhinga kiate ia, kae ‘ikai te ne tali fai.

²⁰Ko ho‘o ‘ilo leva ha tangata ‘oku lea ‘oho, Te tau ‘amanaki ki ha vale ‘i he toko taha ko ia.

²¹Ko ia ‘oku fakapelepele‘i ‘ene tamaio‘eiki mei he‘ene si‘i, ‘E iku pē ki he‘ene kau he fāmili.[59]

²²‘Oku fakalanga kē ‘a e tangata loto ‘ita; Pea ‘oku mohu angahala ‘a e tangata tafulu.

²³Ko e anga hiki ‘a e tangata te ne fakatōkilalo ia: Ka ko e loto ‘oku angalalo ‘e ma‘u fakahīkihiki‘i.

²⁴Ko ia ‘oku ne kau mo ha kaiha‘a, ‘oku ne fehi‘a ki he‘ene mo‘ui, ‘Ene fanongo ki he talamala kae ‘ikai lea.

²⁵Ko e ilifia ki ha tangata, ‘oku te mo‘ua ai ‘i ha tauhele: Ka ko ia ‘oku tu‘u ‘ene falala kia Sihova, ‘e malu‘i.

²⁶Ko e tokolahi te nau fai ha me‘a ke ‘ofeina ‘e he pule: Ka ‘oku meia Sihova ‘a e fakamāu‘i ‘o ha tangata.

²⁷Ko e faitotonu ‘oku ne fakalili‘a ki he faihala: Pea ko e angahala, ‘oku ne fakalili‘a ki he fou totonu.