Read KO E TOH TAPU KATOA TONGA PALŌVEPI 30 Bible Online

PALŌVEPI 30 - KO E TOH TAPU KATOA TONGA bible

PALŌVEPI 30

¹FOLOFOLA ‘a e mafi, Kuo u ongosia ‘i he fai, ‘e ‘Otua, ‘E ‘Otua, kuo u ongosia ‘i he fai, Pea kuo u tuku.[60]

²Tā ko e fakamanu kita, ‘o ‘ikai ko e maama, Pea ‘oku ‘ikai ‘iate au ‘a e ‘atamai ‘o e tangata:

³Pea na‘e ‘ikai te u ako ‘a e poto, Ke u a‘usia ‘a e ‘ilo‘i ‘o e Tāpuhā.

⁴Ko hai kuo ‘alu hake ki he langi ‘o ‘alu hifo? Ko hai kuo kuku ‘a e matangi ‘i hono ongo nima? Ko hai kuo lokuloku ‘a e vai ‘i ha kofu? Ko hai kuo hunuki ‘a e ngaahi ngata‘anga ‘o māmani? Ko hai hono huafa, Pea ko hai ‘a e huafa ‘o hono ‘Alo, ‘O kapau ‘oku ke ‘ilo ki ai?

⁵Ko e folofola kotoa ‘a ‘Elohā kuo ‘osi-‘a-sivi; Ko e fakaū ia kiate kinautolu kuo hūfanga kiate ia.

⁶‘Oua te ke fakalahi ki he‘ene ngaahi lea; Na‘a ne fakamāu‘i koe, pea ke hā ko e loi.

⁷Ko e ua‘i me‘a kuo u kole mei he ‘Afiona; ‘Oua ‘e fakafisi hono ‘omi te‘eki te u mate:

⁸Ko e muna mo e lea loi, fakamama‘o meiate au: ‘Oua ‘e tuku ke u masiva pe koloa‘ia; Fafanga ‘aki au ‘a e me‘akai ‘o hoku ‘inasi;

⁹Na‘a ‘iloange te u fu‘u mākona, ‘o u faka‘otuamate‘i ‘a e ‘Afiona; ‘O u pehē, “Ko hai ‘a Sihova?” Pea na‘a ‘iloange te u masiva, ‘o kaiha‘a; Pea u talakaa‘i ‘a e huafa ‘o hoku ‘Otua.

¹⁰‘Oua ‘e lau‘ikovi ‘a e tamaio‘eiki ki hono ‘eiki; Na‘a ne talatuki‘i koe, pea ke fua hono mo‘ua.

¹¹‘a e nofo — ‘Oku kape ki he‘enau tamai, Pea ‘oku ‘ikai ke talamonū ki he fa‘ē!

¹²‘a e nofo — ‘Oku ma‘a ‘i he vakai ‘anautolu, Ka ‘oku te‘eki ke fufulu ‘enau ‘uli!

¹³‘a e nofo — Hono ‘ikai matahihiki, Mo tu‘amata mafe‘u!

¹⁴‘a e nofo — Nifo heletā, Pea hangē ha hele māsila ‘a e kaungao, Ke keina ‘o ‘osi ‘a e masiva mei he fonua, Pea ke ‘osi ‘a e fusimo‘omo mei he kakai!

¹⁵‘Oku ma‘u ‘e he ‘aluka ha ‘ōfefine ‘e toko ua — “Tuku mai,” “Tuku mai” — ‘Oku ai ha me‘a ‘e tolu ‘oku ‘ikai fiu — ‘Isa, ko e fā ‘oku ‘ikai ke pehē, “Ma‘u ā:”

¹⁶Ko Hētesi; mo e manava ‘oku pa‘a; Ko e fonua ‘oku ‘ikai ke fiu ‘i he vai: Ko e afi foki ‘oku ‘ikai ke pehē, “Ma‘u ā.”

¹⁷Ko e mata ‘oku luki ki he‘ene tamai, Pea ‘oku ne maa‘i ‘a e talangofua ki he‘ene fa‘ē;[61] ‘E kape‘i ‘a e mata ko ia ‘e he fanga lēveni ‘o e tele‘a. Pea keina ia ‘e he ‘īkale mui.

¹⁸‘Oku ai ‘a e me‘a ‘e tolu ‘oku ou ofo‘ia ai — ‘Isa, ko e fā ‘oku ‘ikai te u ‘ilo‘i:

¹⁹Ko e ‘alunga ‘o e ‘īkale ‘i he ‘atā; Ko e ‘alunga ‘o e ngata ‘i he funga maka; Ko e ‘alunga ‘o e vaka ‘i he moana; Pea mo e ‘alunga ‘o ha fu‘u tangata mo ha finemui.

²⁰‘Oku pehē ‘a e ‘alunga ‘o e fefine tono tangata: ‘Oku ne kai, pea holoholo hono ngutu, ‘O ne pehē, Tala‘ehai ‘oku ai ha kovi kuo u fai.

²¹‘Oku ai ‘a e me‘a ‘e tolu ‘oku kulukia ai ‘a e fonua hono fua — ‘Isa, ko e fā ‘oku ‘ikai te ne matu‘uaki;

²²Ko e tamaio‘eiki kuo hoko ‘o tu‘i; Mo e vale kuo mohu me‘akai;

²³Ko e fefine fehi‘anekina ‘oka ‘iloange ‘oku ne ma‘u husepāniti; Mo ha kaunanga kuo ne fetongi ‘a e ma‘itaki.

²⁴‘Oku ai ha faa‘i me‘a ‘oku matamata iiki ‘i māmani, Ka ko e fa‘ahinga poto he poto ange fau:

²⁵Ko e lō — ko e fa‘ahinga kakai ‘oku ‘ikai mālohi, Ka ‘oku nau tokonaki ‘i he fa‘ahita‘u māfana ‘enau me‘akai.

²⁶Ko e sāfana — ko e kakai ‘oku ‘ikai ke kaukaua, Ka ‘oku nau ‘ai ‘i he makatu‘u honau fale.

²⁷‘Oku ‘ikai ma‘u tu‘i ‘e he he‘e, Ka ‘oku nau ‘alu atu fakataha fakavāhenga tau.

²⁸Ko e pili — ‘oku ke lava ke puke ‘aki ho nima, Ka ‘oku ne ‘i he palasi ‘o e ngaahi tu‘i.

²⁹‘Oku ai ha me‘a ‘e tolu ‘oku omooma ‘enau laka — ‘Isa, ko e fā ‘oku ‘alu fakatūtū:

³⁰Ko e laione — Ko e helo ‘o e fanga manu, Pea ‘oku ‘ikai te ne papae ki ha taha;

³¹Ko e moa ta‘ane mo ‘ene kau fefine;[62] Pea ko e kosi tangata; Pea mo e tu‘i ‘oku fotu ‘i hono kakai.

³²Kapau kuo ke fai vale ‘i ho‘o fakahīkihiki‘i koe, Pea kapau kuo ke fai he puleaki, ‘Ai ho nima ki ho ngutu:

³³He ko e ngaohi ‘o e hu‘akau ‘e iku ko e pota,[63] Pea ko e ngaohi ‘o e ihu ‘e iku ki ha toto, Pea ko e ngaohi ‘o e fōtunga ‘e iku ki he kē.