Read KO E TOH TAPU KATOA TONGA PALŌVEPI 9 Bible Online

PALŌVEPI 9 - KO E TOH TAPU KATOA TONGA bible

PALŌVEPI 9

¹KO Poto kuo ne langa hono fale, Kuo ne tā hono ngaahi pou ke fitu:

²Kuo ne fai ‘ene tāmate manu; Kuo hu‘i ‘ene kava; Seuke, kuo ne teuteu ‘ene tēpile.

³Kuo ne fekau atu ‘ene kau ta‘ahine; ‘Oku ne tala kātoanga ‘e ia, ‘ene tu‘u ‘i he ngaahi mātanga ‘o e kolo:

⁴“Ilonga ha ta‘efievale Ke afe mai ki heni.” Ko e me‘a ki he masiva ‘atamai ko ‘ene lea ki ai ‘oku pehē.

⁵“Mou omi, ‘o kai ‘eku me‘akai, ‘O inu ‘a e kava kuo u hu‘i.

⁶Tuku ho‘omou pehē, ‘A e kau hehemangofua, ka mou mo‘ui, Pea mou fai atu ‘i he hala ‘o e ‘ilo.”

⁷Ko ia ‘oku ne akonaki‘i ha taha ‘oku manuki, Ko ‘ene kole pē ha taukae ma‘ana, Pea ko ia ‘oku ne valoki‘i ha pau‘u, Talu ai ‘ene mele.

⁸‘Oua ‘e valoki‘i ha taha manuki, Na‘a ne fehi‘a kiate koe: Valoki‘i ha taha poto, Pea te ne ‘ofa kiate koe.

⁹‘Atu ha poto ki ha taha ‘oku poto, Pea ‘e fakautuutu ‘ene poto. Fakahinohino ha me‘a ki ha taha faitotonu, Pea ‘e fakalahi ai ki he me‘a ‘oku ne ma‘u.

¹⁰Ko e kamata‘anga ‘o e poto ko e ‘apasia kia Sihova: Pea ko e ‘ilo‘i ‘o e Tāpuhā ko e ma‘u ‘atamai ia.

¹¹He ko e me‘a ‘iate au ‘e fakalahi ho ngaahi ‘aho, Pea fungani ‘a e ngaahi ta‘u ‘o ho‘o mo‘ui.

¹²Kapau ‘oku ke poto, ko e poto ma‘a u; Pea kapau ‘oku ke va‘inga‘aki, ko koe pē ‘e tō ki ai.

¹³Ko e fefine ko Vale ‘oku anga maveu; Ko e koto hehemangofua ia, ‘O ta‘e‘ilo ha me‘a.[8]

¹⁴Nofo pē ia ‘i hono matafale, ‘I ha nofo‘a ‘i he ngaahi potu mā‘olunga ‘o e kolo,

¹⁵Ke ui kiate kinautolu ‘oku laka ange, ‘A kinautolu na‘e mei fou totonu pē ‘i honau hala:

¹⁶“Ilonga ha ta‘efie vale, Ke afe mai ki heni.” Pea ko e me‘a ki he masiva ‘atamai ko ‘ene lea ki ai ‘oku pehē,

¹⁷“‘Oku melie ‘a e vai kaiha‘a, Pea ‘oku vovo ‘a e me‘a ‘oku kai lami‘i.”

¹⁸Ka koloto ke ne ‘ilo koni ‘anga‘anga hena; Pea ko ‘ene kau fakaafe ‘oku ‘i he takele ‘o Hētesi.