Read KO E TOH TAPU KATOA TONGA KOHELETI 10 Bible Online

KOHELETI 10 - KO E TOH TAPU KATOA TONGA bible

KOHELETI 10

¹KO E fanga lango fakamate ‘oku fakanamukū ‘a e me‘a pani ‘a e fai lolo; ‘Oku nau ngaohi ia ke tupu: Ko e me‘i vale ‘oku ne mamafa ange ‘i he poto; ‘Oku mamafa ange ‘i he ongoongo.

²Ko e loto ‘o e poto ‘oku ‘alu ki to‘omata‘u; Ka ko e loto ‘o e sesele ‘oku ‘alu ki to‘ohema.

³Pea na‘a mo ‘ene ‘i hala, ha potu ‘oku ‘alu ai ha vale, ‘oku hā masiva hono ‘atamai, pea ‘oku ne pehē ki he kakai kotoa pē ko e vale ia.

⁴Kapau ‘e kohu hake ‘a e ‘ita ‘a e pule kiate koe, ‘Oua te ke hiki mei he me‘a ‘oku ke nofo ai: He ko e anga malū ‘oku ne tuku ta‘efai ‘Ani fu‘u angahala.[21]

⁵‘Oku ai ha kovi kuo u mamata ai ‘i he lalo la‘ā ‘Oku hangē ko e fofongavalea ‘a e pule:

⁶Kuo tuku ‘a e vale ke nofo ‘i he ngaahi potu mā‘olunga lahi, Kae nofo mā‘ulalo ‘a e koloa‘ia.

⁷Kuo u sio ki ‘ani tamaio‘eiki ‘oku heka hoosi, Kae ‘alu ‘a e hou‘eiki ‘i lalo hangē ha tamaio‘eiki.

⁸Ko ia ‘oku keli ha luo, te ne tō nai ki ai; Pea ko ia ‘oku holoki ha ‘ā maka ‘e ‘uusi nai ‘e ha ngata.

⁹Ko ia ‘oku tā maka, te ne lavea ai nai; Ko ia ‘oku tā ‘akau, te ne kafo nai mei ai.

¹⁰Kapau ‘oku peku ‘a e ukamea, Pea ‘oku ‘ikai te ne fakamata, Kuo pau te ne fakalahi ‘a e ivi ‘o ‘ene tā: Ka ko e tokoni lahi ki he lava me‘a ko e poto.

¹¹Kapau ‘e u‘u ha ngata te‘eki ha‘u ‘a e tangata fakalalata, Pea tā ‘oku ‘ikai ‘aonga ‘a e tama lea ngongohe.

¹²Ko e ngaahi lea ‘oku tō mai mei he ngutu ‘o ha poto Ko e koto faka‘ofo‘ofa; Ka ko e ongo loungutu ‘o e vale Te na folofua ia.

¹³Ko e kamata ‘o e ngaahi lea ‘oku tō mei hono ngutu ko e koto vale, pea ko e faka‘osi ‘o ‘ene lea ko e vale ‘u‘ua fakatu‘utāmaki.

¹⁴Ko e vale ‘oku ne fakalahi lau foki; ‘osi, ‘oku ‘ikai ‘ilo ‘e ha tangata pē ko e hā ‘e hoko; pea ko e me‘a ‘e fai hili ‘ene pekia, ko hai ‘e ala fakahā kiate ia?

¹⁵Ko e ngāue ‘a e sesele ko e me‘a fakaongosia kiate ia: Seuke, ‘oku ‘ikai te ne ‘ilo ‘a e hala ki kolo.

¹⁶‘Oiauē, si‘i fonua ‘oku tamasi‘i ho tu‘i, Pea ‘oku kātoanga pongipongi ho hou‘eiki!

¹⁷Ha fonua monū‘ia ka ko koe, ‘A ia ko ho tu‘i ko e hako ‘o hou‘eiki, Pea ‘oku kātoanga ho hou‘eiki ‘i he taimi totonu, Ko e kau mafi pē, ‘o ‘ikai ko e fa‘ahinga konā.

¹⁸‘I he fetu‘ani ‘a e fakapikopiko ‘oku holofa ‘a e fo‘i fale; Pea ‘i he tāupe noa ‘a e nima ‘oku tutulu ‘a e fale.

¹⁹‘Oku nau ngaohi me‘akai — mo e uaine ‘oku ‘omi ke fakafiefia ‘aki ‘a e mo‘ui — koe‘uhi pē ke nau kata. Seuke, ko pa‘anga ‘oku ne tali ‘a e ‘eke kotoa pē.

²⁰Na‘a mo ho loto‘i loto ‘oua te ke talakaa‘i ai ‘a e tu‘i; Pea na‘a mo ho fale mohe, ‘oua te ke lau kovi ai ki he hou‘eiki: He ko e manupuna ‘o e ‘atā ‘oku ne ‘ave lea; Pea ‘e tala ‘a e me‘a ‘e ia ‘oku kapakau.