Read KO E TOH TAPU KATOA TONGA KOHELETI 11 Bible Online

KOHELETI 11 - KO E TOH TAPU KATOA TONGA bible

KOHELETI 11

¹TUKU atu ho‘o me‘a tokoni ‘i he funga ‘o e loloto: He hili ‘a e ‘aho lahi te ke ‘ilo pē ki ai.

²Vahe fitu ‘a e tofi‘a, ‘Isa, ke valu foki; He ‘oku ‘ikai te ke ‘ilo pe ko e hā ‘a e kovi ‘e hoko ki māmani.

³Ka fonu ‘uha ‘a e ngaahi ‘ao, Te nau mahua ki he fonua: Pea ka hinga ha ‘akau ki he tonga, pe ki he tokelau; Ko e potu ‘oku hinga ki ai ‘a e ‘akau ‘e ‘i ai pē ia.

⁴Ko ia ‘oku ne lama ai pē ‘a e matangi; ‘E ‘ikai te ne tō ta‘u: Pea ko ia ‘oku vakai ‘ao ma‘u pē, ‘E ‘ikai te ne utu hono ta‘u.

⁵Hangē ko ho‘o ta‘e‘ilo pe ko e hā ‘a e ‘alunga ‘o e matangi,[22] Tatau mo ho‘o ta‘e‘ilo ki he ‘alunga ‘o e ngaahi hui ‘I he fatu ‘o e fefine feitama; Pehē ‘oku ‘ikai te ke ‘ilo ‘a e ngāue ‘a ‘Elohimi, ‘A ia ‘oku ne fai ‘a e me‘a kotoa.

⁶‘I he pongipongi, tō ho‘o tenga, Pea ‘i he efiafi ofi ‘a e po‘uli, ‘oua ‘e ta‘ofi ho nima; He ‘oku ‘ikai te ke ‘ilo pe ko e fē ‘e tu‘umālie, ‘a ē pe ko ē; pea na‘a fakatou lelei.

⁷Pea ‘oku sai ‘a e maama pea ko e me‘a lelei ki he mata ke sio ki he la‘ā.

⁸Seuke, kapau ‘e mo‘ui ‘a e tangata ‘o lahi ta‘u, ‘oku lelei ke ne fiefia ‘i hono kotoa, pea ke ne manatu ki he ngaahi ‘aho fakapo‘uli ka hoko mai; he ‘e lahi ia. Ko e kaha‘u ko e koto muna pē.[23]