Read KO E TOH TAPU KATOA TONGA HIVA ‘O E HIVA 7 Bible Online

HIVA ‘O E HIVA 7 - KO E TOH TAPU KATOA TONGA bible

HIVA ‘O E HIVA 7

¹HONO ‘ikai faka‘ofo‘ofa ho va‘e na ‘i he teka, Si‘i ta‘ahine ‘eiki! Ko e momole ho ongo tenga ‘oku hangē ko e siueli, Ko e ngāue ‘a e nima ‘o e tufunga poto.

²Ko ho funga kona ko e ipu fakamāhina — Ke ‘oua na‘a masiva ha kava fetuiaki! Ko ho kete ko e puke uite Kuo ‘aa‘i lile.

³Ko si‘o ongo huhu na ko e ua‘i manu mui tofu pē, Ko e māhanga‘i kaseli.

⁴Ko si‘o u‘a ‘oku hangē ha taua lei; Ko si‘o ongo mata ko e ongo lepa ‘i Hesiponi, ‘I he ve‘e matanikolo ko Patalapi; Ko si‘o ihu ‘oku tatau mo e taua ‘o Lepanoni, ‘A ia ‘oku hanga ki Tāmasikusi.

⁵Ko ho ‘ulu ‘oku fungani ‘aki koe, ‘Oku hangē ko Kāmeli, Ko e malimu si‘o lau na ‘oku hangē ko e kula po‘upo‘uli — ‘a e tu‘i ‘oku ha‘i ‘aki ni tope![12]

⁶Hono ‘ikai faka‘ofo‘ofa, Pe hono ‘ikai vovo ‘a ‘ofa ‘I he lau fiefia‘anga!

⁷Ko ho fōtunga na ko hono tuha ko e fu‘u paame, Pea ko ho ongo huhu na ko e ongo fuhi niu.

⁸Na‘a ku pehē, Te u kaka ‘i he fu‘u paame; Te u puke hono va‘a: ‘Ē, ke hoko ho ongo huhu na Hangē ko e ongo fuhinga kālepi, Mo e nanamu ho‘o mānava Hangē ko e ‘āpele.

⁹Mo ho ‘ao‘ingutu Hangē ko e kava lelei, ‘Inē, koā! Ko e kava hoku ‘ofa‘anga ‘oku maholo lelei hifo, Ko e me‘a fakalea ‘a e kau mohe.[13]

¹⁰Ko e me‘a ‘a hoku ‘ofa‘anga au, Pea ‘oku hu‘u kiate au ‘ene holi.

¹¹Ha‘u ange, si‘oku ‘ofa‘anga, Ta ō ki he tuku‘uta, Ta nofo vilisi.[14]

¹²Ta uhu ki he ngaahi ngoue vaine, Ta vakai pe kuo muka ‘a e vaine; Na‘a kuo lūpū ia; Na‘a kuo moto ‘a e pomikānite Ko e potu ia te u ‘atu ai ‘eku ‘ofa.

¹³‘Oku manongi ‘a e ‘akau fakafanau, Pea kuo hilifaki ‘i homau ngaahi funga matapā ‘a e fungani kai kehekehe, Ko e me‘a fo‘ou mo e me‘a motu‘a foki, ‘A ia kuo u tauhi ma‘au, si‘oku ‘ofa‘anga.