Read KO E TOH TAPU KATOA TONGA KO ‘AISEA 12 Bible Online

KO ‘AISEA 12 - KO E TOH TAPU KATOA TONGA bible

KO ‘AISEA 12

¹PEA ko e taimi ko ia te ke pehē: ‘E Sihova, te u fakafeta‘i atu; He neongo na‘a ke tuputāmaki kiate au, Ka kuo lolou ho houhau, Pea ‘oku ke fakanonga ni au.

²Vakai, ko hoku fakamo‘ui‘anga ‘a ‘Ela; Te u falala pē, ‘o ‘ikai te u manavahēa: He ko hoku mālohinga mo ‘eku ta‘anga ‘a IAA SIHOVA; Pea kuo ne hoko ko hoku fakamo‘ui‘anga.

³Ko ia, ‘e fai mo e nēkeneka ho‘omou touvai; Mei he ngaahi matavai ‘o e fakamo‘ui.

⁴‘Io, ko e taimi ko ia te mou pehē, Mou fakafeta‘i kia Sihova, Kailavaki hono huafa, Faka‘ilo ‘ene ngaahi ngāue ki he ngaahi fa‘ahinga: Mou fakamanatua Ko hono huafa ‘oku mā‘olunga.

⁵Tā ha‘ape kia Sihova, He kuo ne fai me‘a lau‘olunga: Ke ‘ilo ia ‘e māmani kātoa.

⁶Fākaulu mo mavava, Si‘i fefine nofo Saione na: He ko ho tokaikolo ko e taha lahi, ‘A e Tāpuhā ‘o ‘Isileli,