Read KO E TOH TAPU KATOA TONGA KO ‘AISEA 15 Bible Online

KO ‘AISEA 15 - KO E TOH TAPU KATOA TONGA bible

KO ‘AISEA 15

¹KO E kavenga ‘a Moape mei he Ta‘ehāmai. Tokua kuo faka‘auha ‘a ‘Ala-Moape ‘i ha fo‘i pō; kuo ka‘anga: Tokua kuo faka‘auha ‘a Kili-Moape ‘i ha fo‘i pō; kuo ka‘anga.

²‘Oku fai ‘a e ‘alu hake ki he Fale, Pea ki Tīponi[41] ke fai ha tangi ‘i he ngaahi sia; ‘I funga Nipo, pea ‘i funga Mētepa, ‘oku tangi ‘oiauē ‘a Moape. ‘I he ‘ulu kotoa ‘oku hā ‘a e tekefua, ‘oku tele ‘a e kava fua pē;

³‘I he ngaahi hala ‘o e fonua kuo ‘ai tauanga‘a ‘a e kakai: ‘I he ngaahi tu‘a fale mo e ngaahi mala‘e ‘oku tangi ‘oiauē kotoa, Kuo nau viku fō ‘i he tangi.

⁴Pea ‘oku tukuna hake ‘a Hesiponi mo ‘Eleale; ‘Oku ongo ‘enau tangi ki Siahasa: Ko ia, na‘a mo e kau to‘a ‘o Moape ‘oku pā atu ‘enau tangi, ‘Oku tete ‘a e kakai, ‘o fai ki loto.

⁵‘Oku tangi hoku loto koe‘uhi ko Moape; Si‘ene kau hola ‘oku a‘u ki Soa, ki ‘Ekilati-tu‘o-tolu: He ‘oku nau ‘alu tangi hake ‘i he hakenga ‘o Lūhiti; ‘Io, ‘i he hala ‘o Holonaimi ‘oku nau tukuna atu ‘a e lau‘aitu.

⁶He ko si‘i vai ‘o Nimilimi kuo pau ke koto ‘āngoa: He kuo pakukā ‘a e potu musie‘ia; Kuo ‘osi ‘a e mohuku, ‘Oku ‘ikai toe ha me‘a lanumata.

⁷Ko ia, ko e toe ‘o ‘enau ngāue, mo ‘enau tokonaki, ‘oku nau a‘a mo kinautolu ‘i he Vai Uilou.

⁸He ko e tangi kuo ‘alu takai ‘i he kau‘ā ‘o Moape; Ko ‘ene ‘oiauē ‘oku ongo ki ‘Ēkelaimi, ‘Io, ko ‘ene ‘oiauē ‘oku ongo ki Pea-‘Ēlimi.

⁹Tokua ko e vai ‘o Tīmoni ‘oku fonu ‘i he toto. Seuke, ‘oku ou ‘ai ‘i funga Tīmoni ha toe tā, ‘Oku ai ha laione ki he hola ‘a Moape, Pea ki he toetoe ‘o e kelekele.