Read KO E TOH TAPU KATOA TONGA KO ‘AISEA 20 Bible Online

KO ‘AISEA 20 - KO E TOH TAPU KATOA TONGA bible

KO ‘AISEA 20

¹‘I HE ta‘u na‘e ha‘u ai ‘a e Tātani ki ‘Asitoti, ‘i hono fekau ‘e Sākone ko e Tu‘i ‘Āsilia, ‘o ne tau‘i ‘a ‘Asitoti, ‘o kapa —

²‘i he taimi ko ia na‘e folofola ‘a Sihova kia ‘Aisea foha ‘o ‘Āmosi, ‘o pehē, Hanga ‘o vete ‘a e kofu tangai mei ho konga loto, pea to‘o ‘a e sū mei ho va‘e. Pea ne fai pehē, ‘o ‘alu ta‘ekofu mo ta‘esū.

³Pea folofola ‘a Sihova, Hangē ko e ‘alu ta‘ekofu mo ta‘esū ‘a ‘eku tamaio‘eiki ko ‘Aisea, ‘o tolu ta‘u ‘ene hoko ko e faka‘ilonga mo e taipe ki ‘Isipite mo ‘Itiopea;[49]

⁴‘e pehē ‘a e taki ‘e he Tu‘i ‘Āsilia ‘a e kau pōpula ‘o ‘Isipite, mo e kau fakahee‘i ‘o ‘Itiopea, ‘a e kau talavou mo mātu‘a, ‘oku nau ta‘ekofu mo ta‘esū, pea telefua ‘a e tu‘ungaiku, ko e fakalielia‘i ‘o ‘Isipite.

⁵Pea ‘e fai ha puputu‘u mo ha mā koe‘uhi ko ‘Itiopea, he ko honau pāletu‘a ia, pea koe‘uhi ko ‘Isipite, he ko honau teunga ia.

⁶Pea ‘i he taimi ko ia, ‘e ai ha lea ‘e fai ‘e he nofo he matāfonua[50] ko eni, Uoke, ‘oku pehē koā hotau pāletu‘a, ‘a ia na‘a tau hola ki ai ke ma‘u tokoni, ke fakahaofi mei he Tu‘i ‘Āsilia! pea te tau hao fēfē kitautolu?