Read KO E TOH TAPU KATOA TONGA KO ‘AISEA 21 Bible Online

KO ‘AISEA 21 - KO E TOH TAPU KATOA TONGA bible

KO ‘AISEA 21

¹KO E kavenga mei he Ta‘ehāmai ‘a e Toafa ‘o e Tahi. Hangē ni taufa ‘one‘one ‘i he feitu‘u ko Tonga, ‘Oku fai ke ngatolo mai, Pehē ‘ene ha‘u ia mei he toafa, Mei he fonua faka‘ulia.

²Ko e vīsone fefeka kuo fakapū kiate au; ‘oku fai kākā ‘a e tama kākā, pea ‘oku fai fakamālohi ‘a e tama fakamālohi. ‘Alu hake, ‘Īlami; ‘E Mītia, ke ke ‘ākolo‘i; Ko e to‘e kotoa ‘oku fai ai Te u fakangata.

³Ko hono ō ia ‘oku fonu mamahi hoku kongaloto; kuo puke au ‘e he ngaahi langa hangē ko e langā ‘a ha fefine fā‘ele: ‘oku ou mākauua, ko ia ‘oku ‘ikai te u lava ke fanongo, ‘oku ou mo‘utāfu‘ua, ko ia ‘oku ‘ikai te u lava ke sio.

⁴‘Oku tatū hoku mafu, ‘oku ou līfusia ‘i he manavahē: ko e malu efiafi ‘oku ou ‘ofa ki ai kuo liliu ia ko hoku taimi tete.

⁵Ko e teu ‘o e tēpile koā! Ko e fola fala koā! Ko e kai, ko e inu! Tu‘u pē hou‘eiki, fakalolo homou pā.

⁶He ko eni ‘a e folofola ‘a ‘Ātonai kiate au, ‘Alu, ‘o fokotu‘u ha le‘o; ko e me‘a kuo ne sio ki ai ke ne fakahā.

⁷Pea ne sio ki ha fononga, ko e kau heka hoosi tautau toko ua, ko e fononga ‘asi, ko e fononga kāmeli: pea ne fokotu‘u telinga, ‘o ne tūkuingata hono fakaongo.

⁸Pea ne toki kalanga hangē ha laione, ‘Ātonai ē, ko au ‘eni ‘oku ou tu‘u ma‘u pē ‘aho ‘i hoku potu le‘o, Pea ‘oku ou nofo atu ki he‘eku lama ‘i he pō kotoa.

⁹Mo e ‘iloange ai na‘e ha‘u ha fononga tangata, Ko e kau heka hoosi ‘oku tautau toko ua. Pea na‘e ofa‘aki ‘a e lea, ‘o pehē, Kuo tō ki lalo ‘a Pāpilone, Kuo tō ki lalo; Pea ko e ngaahi ‘īmisi kotoa ‘o hono ngaahi ‘Otua Kuo ne ha‘aki ki he kelekele ‘o lailai.

¹⁰Na‘i ‘eku me‘a na‘e hahahaha, ‘io, na‘i fua ‘o e ‘au‘au‘anga; ko e me‘a kuo u fanongo meia Sihova Sāpaoti ko e ‘Otua ‘o ‘Isileli, ko ia ia kuo u fakahā kiate kimoutolu.

¹¹Ko e kavenga mei he Ta‘ehāmai ki Tuma. ‘Oku ui ha taha kiate au mei Seia, Tama le‘o, kuo fiha ‘a e pō? Tama le‘o, ‘oku fiha fua ‘a e pō?

¹²Tali ‘a e Tama le‘o, Ko e pongipongi ena ‘oku ha‘u, Pea ko e pō foki: Kapau ‘oku mou fie fehu‘i, fehu‘i pē; Foki, ha‘u.

¹³Ko e kavenga mei he Ta‘ehāmai ki ‘Ālepea. Ka efiafi te mou ‘apitanga ‘i he fihi, ‘A e ngaahi kalavana ‘o Tētani.

¹⁴Mou ‘omi vai ke tali ‘a e kau fie inu. Ko e nofo Teima na‘a nau fakafetaulaki Ki he hola mo ha‘ane me‘akai.

¹⁵He na‘a nau hola telia ‘a e ngaahi heletā, Telia ‘a e heletā kuo faka‘alo, mo e kaufana kuo teke, Pea telia ‘a e mamafa ‘o e tau.

¹⁶He ko eni ‘a e folofola ‘a ‘Ātonai kiate au, Te‘eki ke kakato ha ta‘u ‘e taha, ko e ta‘u ‘o ha unga ngāue, pea ‘e ‘osi kotoa ‘a e lāngilangi ‘o Keta.

¹⁷Pea ka lau ‘a e kau fana ‘oku toe ki he kau mafi ‘o Keta, ko e momo‘i me‘a: he kuo folofola pehē ‘a Sihova ko e ‘Otua ‘o ‘Isileli,