Read KO E TOH TAPU KATOA TONGA KO SELEMAIA 12 Bible Online

KO SELEMAIA 12 - KO E TOH TAPU KATOA TONGA bible

KO SELEMAIA 12

¹‘E Sihova, kapau te u fakamaau mo koe, kuo pau te ke tonuhia: kaekehe ke u ‘a‘au ‘eku me‘a mo koe. Ko e hā ‘oku monū‘ia ai ‘a e founga ‘o e kau angahala? Ko e hā ‘oku tu‘umālie ai ‘a kinautolu fua pē ‘oku fai kākā?

²Kuo ke tō kinautolu, kuo nau aka hifo foki; ‘oku nau tupu, ‘io, ‘oku nau fua: ‘oku ke ofi ki honau ngutu, ka ‘oku ke mama‘o mei honau kofuua.

³Ka ka koe, ‘e Sihova, ‘oku ke ‘ilo au; ‘oku ke siofi au, pea ‘oku ke sivi ‘a e fakafeangai ‘a hoku loto ki he ‘Afiona. Toho atu kinautolu ‘o hangē ko e fanga sipi ke tāmate‘i, pea ke polo‘i kinautolu ki ha ‘aho tāmate.

⁴‘E ngata afe ‘a e tangi ‘a e fonua, mo e mae ‘a e mohuku ‘o e tuku‘uta kotoa? ko e me‘a ‘i he kovi ‘a e kakai ‘oku nofo ai, ko ia kuo mole ai ‘a e manu ‘o e vao, mo e manupuna; he ‘oku nau pehē, ‘E ‘ikai te ne sio ki hotau iku‘anga.[21]

⁵Kapau kuo ke lele mo e kau ha‘ele, pea ke hela ai, pea fēfē ‘oka ke ka veipā mo e fanga hoosi? pea kapau ‘oku ke pehē ‘i ha fonua melino, ‘a ia ‘oku ke nofo falala ai, pea ko e hā te ke fai ‘i he lāngilangi ‘o Soatani?

⁶He na‘a mo ho kāinga, mo e fale ‘o ho‘o tamai, na‘a mo kinautolu te[22] nau fai kākā kiate koe; na‘a mo kinautolu te nau tuli koe mo e fu‘u kaila: ‘oua te ke tui kiate kinautolu, neongo ‘enau lea‘aki ‘a e ngaahi lelei kiate koe.

⁷Kuo u li‘aki hoku fale, kuo u tukuange hoku tofi‘a; ko e me‘a ‘oku ‘ofa ki ai ‘eku mo‘ui kuo u ‘atu ki he nima ‘o hono ngaahi fili.

⁸Ko hoku tofi‘a kuo hoko kiate au ‘o hangē ko e laione ‘i he vao; kuo ne ofa‘aki hono le‘o kiate au; ko ia kuo u puke ‘i he fehi‘a kiate ia.

⁹Kuo hoko koā si‘oku tofi‘a ko e haoke pulepule? kuo loki ia koā ‘e he fanga haoke, ‘o ngaohia? Ha‘u ange, tānaki ‘a e manu kotoa ‘o e vao, ‘omi kinautolu ke keina.

¹⁰Ko e kau tauhi tokolahi kuo maumau ‘i ‘eku ngoue vaine, kuo nau malaki hoku tofi‘a, kuo nau ngaohi hoku tofi‘a mamana ko e toafa ‘āngoa.

¹¹Kuo nau tuku ia ko e lala; ‘oku ne tangi kiate au ko ‘ene lala; ko e koto lala ‘a e fonua kotoa, koe‘uhi na‘e ‘ikai ha taha ‘e ‘ai ia ki hono loto.

¹²Ko e funga mo‘unga molemole kotoa ‘o e toafa kuo ha‘u ki ai ‘a e kau vete; he ‘oku ai ha heletā ‘a Sihova ‘oku keina mei he ngata‘anga ‘e taha ‘o e fonua ‘o a‘u ki he ngata‘anga ‘e taha; ‘e ‘ikai ha fiemālie ki ha kakano ‘e taha.

¹³Na‘a nau tō uite, ka kuo nau utu ‘a e ‘akau talatala; kuo nau vaivai ‘i he ngāue, ka kuo ‘ikai ‘aonga: ko ia ‘e fakamaa‘i kimoutolu ‘e he fua ‘o ho‘omou fai, koe‘uhi ko e houhau kakaha ‘a Sihova.

¹⁴Ko e folofola eni ‘a Sihova ki hoku ngaahi kaungā‘api kovi ‘a ia kuo nau ala ki he tofi‘a kuo u vahe ki hoku kakai ‘Isileli: Ko au eni ‘oku ou hamusi kinautolu mei honau kelekele, pea te u hamusi ‘a e fale ‘o Siuta mei honau lotolotonga.

¹⁵Pea ‘i he taimi ko ia, hili ‘eku hamusi kinautolu, te u tafoki ‘o ‘ofa kiate kinautolu, pea te u fakafoki kinautolu takitaha ki hono tofi‘a, pea takitaha ki hono fonua.

¹⁶Pea ‘i he taimi ko ia, kapau te nau mātu‘aki ako ‘i he ngaahi ‘alunga ‘o hoku kakai, ke fai ‘enau fuakava ‘i hoku hingoa, ‘o pehē, Tangi ‘a e mo‘ui ‘a Sihova; ‘o hangē ko ‘enau ako hoku kakai ke fuakava ‘ia Peali;

¹⁷pea ‘e toki langa kinautolu ‘i he lotolotonga ‘o hoku kakai, Ka ‘o kapau ‘oku ‘ikai te nau fakaongo, pea te u ta‘aki ‘a e pule‘anga ko ia, te u ta‘aki mo faka‘auha — ko Sihova ia mei he Ta‘ehāmai.