Read KO E TOH TAPU KATOA TONGA KO SELEMAIA 44 Bible Online

KO SELEMAIA 44 - KO E TOH TAPU KATOA TONGA bible

KO SELEMAIA 44

¹KO E folofola na‘e hoko kia Selemaia, ‘o kau ki he kakai Siu kotoa na‘e nofo ‘i ‘Isipite, ‘a kinautolu na‘e nofo ‘i Mikitoli, mo Tapanesi, mo Nofi, mo e feitu‘u ko Patalosi, ‘o pehē,

²Ko e folofola eni ‘a Sihova Sāpaoti, ko e ‘Otua ‘o ‘Isileli, Kuo mou mamata ‘e kimoutolu ki he fu‘u kovi kuo u ‘omi ki Selusalema, pea ki he ngaahi kolo ‘o Siuta kotoa; pea vakai, ‘oku nau lala ‘i he taimi ni, pea ‘oku ‘ikai ha nofo ai;

³ko hono ‘uhinga ko e kovi na‘a nau fai, ‘o faka‘ita ‘aki au, ko ‘enau ‘alu ke tutu ‘inisēnisi ke tauhi ‘a e ngaahi ‘otua kehe, ‘a ia na‘e ‘ikai te nau ‘ilo ki ai, ‘e kinautolu, mo kimoutolu, mo ho‘omou ngaahi kui.

⁴Pea u fekau atu kiate kinautolu ‘eku fu‘u kau sevāniti ko e kau palōfita, ‘o u ‘ā hengihengi ‘o fekau atu, ke fakahā, ‘Oua foki te mou fai ‘a e me‘a fakalielia na ‘oku ou fehi‘a ki ai.

⁵Ka na‘e ‘ikai te nau fakaongo, pea na‘e ‘ikai te nau fokotu‘u telinga mai, ‘o foki mei he‘enau kovi, ‘o tuku ‘enau tutu ‘inisēnisi ki he ngaahi ‘otua kehe.

⁶Ko ia, na‘e lilingi si‘eku kakaha mo ‘eku ‘ita, pea na‘e vela ia ‘i he ngaahi kolo ‘o Siuta, mo e ngaahi hala ‘o Selusalema; ko ia kuo nau hoko ai ko e koto lala mo maumau, ‘o hangē ko ia ‘oku fai ni.

⁷Pea ko eni, ko e folofola eni ‘a Sihova ko e ‘Otua Mohu Hōsitē, ko e ‘Otua ‘o ‘Isileli: Ko e hā ‘oku mou fai ai ha fu‘u kovi peheni, ke ‘asi ‘i ho‘omou mo‘ui, ‘o mou motuhi ai mei ha‘a Siuta, ‘a e tangata mo e fefine, ‘a e tamasi‘i mo e valevale, ‘o iku pē ki ha ‘ikai kei toe hamou toenga?

⁸Ko hono ‘uhinga ko ho‘omou faka‘ita ‘aki au ‘a e ngaahi ngāue ‘a homou nima, ‘a e tutu ‘inisēnisi ki he ngaahi ‘otua kehe ‘i he fonua ko ‘Isipite, ‘a ia kuo mou ‘alu ke ‘āunofo ai; ko hono ‘ātunga ‘e homou tu‘usi kimoutolu, pea ko hono ‘ātunga ē ‘o ho‘omou hoko ko e me‘a ke fai ai ha lea kovi, mo ha manukia ‘i he ngaahi pule‘anga ‘o māmani.

⁹Kuo ngalo koā ‘iate kimoutolu ‘a e ngaahi kovi ‘a ho‘omou ngaahi kui, mo e ngaahi kovi ‘a e ngaahi Tu‘i Siuta, mo e ngaahi kovi ‘a e ngaahi uaifi ‘o ē, mo e ngaahi kovi ‘amoutolu, mo e ngaahi kovi ‘a homou ngaahi uaifi, ‘a ia na‘a nau fai ‘i he fonua ko Siuta, mo e ngaahi hala ‘o Selusalema?

¹⁰Kuo te‘eki ke mafesi honau loto ‘o a‘u ki he ‘aho ni, pea kuo te‘eki ke nau manavahē, pea tala‘ehai kuo nau foua ‘eku lao mo ‘eku ngaahi tu‘utu‘uni, ‘a ia na‘a ku tuku ke fe‘ao mo kinautolu mo ho‘omou ngaahi kui.

¹¹Ko hono ō ia ‘oku folofola mai ‘a Sihova Sāpaoti ko e ‘Otua ‘o ‘Isileli, ‘o pehē, Ko au eni ‘oku ou hanga hoku mata kiate kimoutolu ke kovi, ‘io, ke tu‘usi ‘a Siuta kātoa.

¹²Pea te u ala ki he toenga ‘o Siuta, ‘a ia kuo nau hanga ō pē ke ‘alu ki ‘Isipite ke nofo ai, pea te nau ‘osi kotoa pē; ‘i he fonua ko ‘Isipite te nau tō; ko e heletā mo e honge te nau ‘osi ai; tatau ‘a e iiki mo e lalahi te nau mate ‘i he heletā mo e honge: pea te nau hoko ko e me‘a ke fai ai ha kape, mo ha ofo, mo ha lea kovi, mo ha manukia.

¹³Pea te u ‘a‘ahi ki he nofo ‘Isipite, hangē ko ‘eku ‘a‘ahi ki Selusalema, ‘aki ‘a e heletā, mo e honge, mo e mahaki faka‘auha.

¹⁴Pea ‘e ‘ikai ha toe pe hao ‘i he toenga ‘o Siuta na‘e ‘alu ki ‘Isipite ke ‘āunofo ai, ha ni‘ihi ke foki ki he fonua ko Siuta; ‘osi, ‘oku holi ‘enau mo‘ui ke foki ke nofo ai: ka ‘e ‘ikai ha foki ka ko e ni‘ihi pē kuo hola.

¹⁵Pea tali kia Selemaia ‘e he kau tangata kotoa na‘e ‘ilo kuo tutu ‘inisēnisi ‘e honau ngaahi uaifi ki he ngaahi ‘otua kehe, pea kau ai ‘a e kau fefine na‘e tu‘u ‘i he fu‘u fakataha, mo e kakai kotoa na‘e nofo ‘i ‘Isipite ‘i Patalosi, ‘o nau pehē,

¹⁶Ko e me‘a ki he lea kuo ke fai kiate kimautolu ‘i he huafa ‘o Sihova, ‘e ‘ikai te mau momo‘i fakaongo kiate koe.

¹⁷Ka kuo pau te mau fakaai ‘a e me‘a kotoa kuo ‘alu atu mei homau ngutu, ke tutu ‘inisēnisi ki he Kuini ‘o Langi, pea ke fakatau feilaulau-kava kiate ia, hangē ko ia na‘a mau fai, ‘e kimautolu mo ‘emau ngaahi kui, ‘a homau ngaahi tu‘i mo homau hou‘eiki, ‘i he ngaahi kolo ‘o Siuta, mo e ngaahi hala ‘o Selusalema: he ko e taimi ko ia na‘a mau mākona ‘i he me‘akai, pea na‘a mau tu‘umālie, pea na‘e ‘ikai te mau momo‘i sio ki ha kovi.

¹⁸Kae tālunga ‘emau tuku ‘a e tutu ‘inisēnisi ki he Kuini ‘o Langi, mo e fakatau feilaulau-kava kiate ia, kuo mau masiva he me‘a kotoa, pea kuo mau ‘osi ‘i he heletā mo e honge.

¹⁹Pea ‘i he‘emau tutu ‘inisēnisi ki he Kuini ‘o Langi, mo fakatau feilaulau-kava kiate ia, he na‘a mau fai ta‘ekau ai homau ngaahi husepāniti, ‘emau ngaohi keke ma‘ana, ke fakatātā ‘aki ‘ene ‘afio, mo ‘emau fakatau feilaulau-kava ma‘ana?

²⁰Pea tali ‘e Selemaia ki he kakai kotoa, ‘a e kau to‘a, mo e kau fefine, ‘io, ki he kakai kotoa kuo lea mai kiate ia, ‘o ne pehē,

²¹‘Āua, ko e tutu ‘inisēnisi na‘a mou fai ‘i he ngaahi kolo Siuta, mo e ngaahi hala ‘o Selusalema, ‘e kimoutolu mo ho‘omou ngaahi kui, ‘a homou ngaahi tu‘i mo homou hou‘eiki, mo e kakai ‘o e fonua — ‘ikai na‘e manatu ‘a Sihova ki ai, pea na‘e fa‘a ake ia ‘i hono loto?

²²Pea na‘e ‘ikai kei makātaki‘i ia ‘e Sihova, koe‘uhi ko e kovi ho‘omou fai anga, koe‘uhi ko e ngaahi fakalielia na‘a mou fai. Ko ia na‘e hoko ai homou fonua ko e lala, pea ko e me‘a ke fai ai ha ofo mo ha lea kovi, ‘o ‘ikai ha taha ‘oku nofo ai, ‘o hangē ko ia ‘oku fai ni.

²³Koe‘uhi na‘a mou tutu ‘inisēnisi, pea ko e me‘a ‘i ho‘omou hia kia Sihova, pea na‘e ‘ikai te mou fakaongo ki hono le‘o, pea na‘e ‘ikai te mou fou ‘i he‘ene lao, mo ‘ene ngaahi tu‘utu‘uni, mo ‘ene ngaahi talatonu: ko hono ō ia kuo mou felave ai mo e kovi ni, hangē ko ia ‘oku fai ni.

²⁴Pea na‘e lea ‘a Selemaia ki he kakai kotoa, pea ki he kau fefine, Mou fanongo ki he folofola ‘a Sihova, ‘a e Siuta kotoa ‘oku ‘i ‘Isipite;

²⁵Ko e folofola eni ‘a Sihova Sāpaoti, ko e ‘Otua ‘o ‘Isileli: Ko kimoutolu mo homou ngaahi uaifi, tā kuo mou lea‘aki homou ngutu, pea kuo mou fakaai ‘aki homou nima, ho‘omou pehē, Te mau mātu‘aki fakaai ‘a e ngaahi tukumo‘ui kuo mau fai, ke tutu ‘inisēnisi ki ke Kuini ‘o Langi, pea ke fakatau feilaulau-kava kiate ia: kuo pau homou loto ke tu‘u ho‘omou ngaahi tukumo‘ui, pea ke fakaai ia.[73]

²⁶Ko ia, mou fanongo ki he folofola ‘a Sihova, ‘a e Siuta kotoa ‘oku nofo ‘Isipite: Ko au eni kuo u fuakava ‘i hoku hingoa lahi — ko Sihova ia ‘oku folofola mai — ‘ilo ‘e au ‘o kapau ‘e toe hu‘ekina hoku hingoa ‘e ha tangata Siuta ‘e taha ‘i he fonua kotoa ‘o ‘Isipite, ‘o pehē, Tangi ‘a e mo‘ui ‘a ‘Ātonai Sihova.

²⁷Ko au eni te u lamalama ke velo hanau kovi, ‘o ‘ikai ko ha lelei: pea ko e tangata Siuta fua pē ‘oku ‘i ‘Isipite ‘e ‘osi‘osi ‘i he heletā, mo e honge, kae‘oua ke nau ‘osi ‘aupito.

²⁸Pea ko kinautolu ‘oku hao mei he heletā te nau foki mei ‘Isipite ki he fonua ‘o Siuta, ko e toko si‘i; pea ko e toenga kotoa ‘o Siuta ‘oku ‘alu ki ‘Isipite ke nofo ai, te nau ‘ilo pe ko e lea ‘a hai ‘e tu‘u, ko ha‘aku, pe ko ha‘anautolu.

²⁹Pea ko eni ha faka‘ilonga kiate kimoutolu — ko Sihova ia mei he Ta‘ehāmai — te u ‘a‘ahi kiate kimoutolu ‘i he potu ni, ko e me‘a ke mou ‘ilo ai kuo pau ke tu‘u ‘eku lea kiate kimoutolu ke kovi.

³⁰Ko e folofola eni ‘a Sihova: Ko au eni te u tuku ‘a Felo-Hōfila ko e Tu‘i ‘Isipite ki he nima ‘o hono ngaahi fili, pea ki he nima ‘o e kakai ‘oku kumi ki he‘ene mo‘ui; ‘o hangē na‘a ku tuku ‘a Setekaia ko e Tu‘i Siuta ki he nima ‘o Nepukanesa ko e Tu‘i Pāpilone, ‘a ia ko hono fili, pea ko e toko taha na‘e kumi ki he‘ene mo‘ui.