Read KO E TOH TAPU KATOA TONGA KO SELEMAIA 45 Bible Online

KO SELEMAIA 45 - KO E TOH TAPU KATOA TONGA bible

KO SELEMAIA 45

¹KO E folofola na‘e tala ‘e he palōfita ko Selemaia kia Pāluki foha ‘o Nelaia, ‘i he taimi na‘a ne tohi ‘i he tohi ‘a e ngaahi folofola ko ē, ‘i he lau ta‘anga mai ‘a Selemaia, ‘i hono ta‘u fā ‘o Sihoiakimi foha ‘o Siosaia, ko e Tu‘i Siuta.

²Ko e folofola eni ‘a Sihova, ko e ‘Otua ‘o ‘Isileli, kiate koe, Paluki:

³‘Oku ke pehē koā, ‘Oiauē kita! he kuo hilifaki ‘e Sihova ha mamahi ki hoku loto kuo lavea: ‘oku ou ongosia ‘i he‘eku tauto‘e, pea ‘oku ‘ikai te u ma‘u ha nonga.

⁴Ko eni ho‘o lea ‘e fai kiate ia, Ko e folofola eni ‘a Sihova: Vakai, ‘oku ou holoki ‘a e me‘a na‘a ku langa hake ‘e au, pea ‘oku ou ta‘aki ‘e au ‘a e me‘a na‘a ku hunuki; pea ko ‘eku me‘a ia ‘oku fai ‘i māmani kātoa.

⁵Pea ‘oku ke kumi koā ma‘au ha ngaahi me‘a lalahi? ‘Oua ‘e kumi: he ko au eni ‘oku ou ‘omi ha kovi ki he kakano, hono kotoa — ko Sihova ia mei he Ta‘ehāmai: ka te u ‘atu kiate koe ho‘o mo‘ui mo‘ao vete, ‘i he potu kotoa pē te ke ‘alu ki ai.